草津溫泉位於日本群馬縣草津町，溫泉自然湧出量係日本第一嘅溫泉地，亦係日本三大名泉之一，無論係日本國內定海外遊客慕名而來。草津嘅中心地帶「湯畑」

中間有幾十個大木箱，係用嚟承接溫泉水流過留低嘅礦物質(湯の花)，而且由於出水口湧出嘅溫泉水溫度太高，經過木箱以及導管，用自然冷郤將溫泉水輸送到湯畑周邊各個溫泉旅館嘅溫泉池。

想要好好享受草津溫泉，就要睇以下草津溫泉酒店推薦精選啦！  

1. 草津溫泉度假酒店 (Kusatsu-Onsen Hotel Resort)

於草津溫泉度假酒店，可以享受到採用100%持續流動「萬代礦源泉」。

草津溫泉度假酒店坐落於高處，可以俯瞰草津街景，提供配備傳統日式床墊嘅日式客房，以及鋪地毯和配備西式床鋪嘅客房。亦可以選擇可5人住宿，同時附有日式床墊和西式床鋪嘅客房。而日式客房當中亦有提供最大可以供9人住宿，由2間有門可互通，10疊榻榻米和8疊榻榻米面積大嘅相連房組成。啱晒一家大細或者成班好友齊齊入住。

地道美食「湯葉蒟蒻」（湯葉こんにゃく），和「水澤烏東 」都可以喺草津溫泉度假酒店嘅晚餐中品嚐得到，當中有自助餐和會席料理兩種類型可供選擇，令你可以享受一個草津美好嘅夜晚。

※「湯葉」係一種日式豆腐皮，「湯葉蒟蒻」係將大豆粉加入蒟蒻當中所製成嘅蒟蒻豆腐皮。

酒店資訊

• 名稱：草津溫泉度假酒店 (Kusatsu-Onsen Hotel Resort)
  
• 地址：群馬縣吾妻郡草津町15-8
• 交通方式：長野原草津口站→[JR巴士草津溫泉行]約25分鐘→草津溫泉巴士總站…步行10分鐘 ※從東京站、新宿站或澀谷站，可以搭乘直達草津溫泉巴士總站的巴士。草津溫泉巴士總站與飯店之間可搭乘接駁巴士。 
• Wi-Fi：有
• 語言：中文、英文、韓文 
• 信用卡：可以使用

2. 源泉一乃湯

2019年8月開幕的「源泉一乃湯」，主打讓住客體驗宛如居住般嘅住宿享受，只提供住宿、不提供餐點。

有成10種唔同房型可供選擇，包括現代摩登風格設計嘅客房、設有露天浴池、附設迷你廚房等。

住客可以喺湯畑源泉大浴場享受溫泉療癒身心，紓解日常累積嘅疲勞。除咗大浴場，亦有足湯或可以自己獨享嘅私人湯屋。喺源泉一乃湯可以感受得到如居家般嘅自由舒適感。就算要長住都非常推薦!

酒店資訊

• 名稱：源泉一乃湯
• 地址：群馬縣吾妻郡草津町草津135
• 交通方式：長野原草津口站→[JR巴士，開往草津溫泉方向]約30分→草津溫泉巴士總站…步行約3分鐘 
• Wi-Fi : 有
• 語言：英文
• 信用卡：可以使用

3. 湯宿 季之庭

想要徹底體驗草津溫泉魅力，可以試試浸返轉「溫泉巡禮」，一趟旅程嘗試各種草津溫泉，係享受傳統溫泉嘅好方法。唔洗左搵右搵，住宿「湯宿 季之庭」，就可以一嘗「溫泉巡禮」，盡情享受溫泉，來一趟療癒放鬆之旅。

「湯宿 季之庭」一共有23種溫泉，而且所有客房都有附設露天溫泉呢一點，絕對係最誘人嘅魅力所在。

酒店所提供嘅日式會席料理，採用時令新鮮食材，並於設有間隔嘅包廂內享用，讓住客們擁有舒適寧靜嘅私人空間。

酒店裡面亦設有酒吧，專門提供日本酒及燒酎，主要為群馬當地產嘅酒品，亦有提供非酒精飲品。

小酌一番之後，仲可以品嘗當地名物「夜鳴蕎麥麵」，只有喺夜晚先會提供，係當地名氣響噹噹嘅宵夜餐點啊。

酒店資訊

• 名稱：湯宿 季之庭 (湯宿季の庭)
• 地址：群馬縣吾妻郡草津町大字草津白根464-214
• 交通方式：長野原草津口站→[JR巴士，開往草津溫泉方向]約30分→草津溫泉巴士總站…免費接駁巴士約15分鐘
• Wi-Fi : 有
• 語言：英文
• 信用卡：可以使用