喺日本大分縣別府嘅餐廳，可以食到好多當地特色美食。例如，利用溫泉特有嘅蒸氣來蒸煮嘅「地獄蒸料理」、每家店嘅口味都有少少唔同嘅「雞肉天婦羅」，以及源自中華嘅麵料理。本文將為大家介紹3款去別府旅行時，推薦一定要試嘅美食料理。

1. 地獄蒸料理

「地獄蒸料理」(地獄蒸し料理)係將海鮮、肉、蔬菜同雞蛋等食材，用溫泉蒸氣蒸煮而成。 呢種煮法，係別府八湯之一—鐵輪由1600年代以嚟就已經開始用嘅傳統烹調方式。喺高溫嘅溫泉蒸氣下，喺食材撒上鹽，蒸煮出嚟時特別鮮甜，亦保留返食材本身有嘅鮮味。而且，食材中多餘嘅油脂會蒸發，食起嚟亦特別健康。

係別府嘅飯店、體驗設施等地方，都可以食到地獄蒸料理，亦可以去提供DIY製作地獄蒸料理嘅設施體驗一下。比較有名嘅體驗設施有「地獄蒸工房鐵輪」(地獄蒸し工房鉄輪)同埋「自助溫泉蒸煮 蒸de喜屋」(里の駅かんな蒸de喜屋)。

自備食材嘅話，價格大概700円。請舖頭準備食材嘅話，價格就大概500至4,000円不等。（截至2019年9月資訊）

2. 雞肉天婦羅

雞肉天婦羅(とり天)係將雞肉切成一啖食到嘅大細，包上粉去再拎去油炸嘅餸菜。酥脆嘅外皮包住柔軟嘅雞肉，非常完美嘅配搭。通常會沾酸橘醋、醋醬油等醬汁一齊食，，也有一啲餐廳會提供秘製醬汁。雞肉天婦羅據說始於1920年代嘅一間中華料理店「東洋軒」，當時推出咗呢種融合日式風格嘅中華料理。

有好多餐廳都有供應雞肉天婦羅。不單止係別府，大分縣各地嘅中華料理店、日式料理店、西餐廳、壽司店、居酒屋、燒肉店、咖啡店等，都有雞肉天婦羅。其中特別推薦創始店「東洋軒」，以及老字號西餐廳“Restaurant Ribbon”。

單點價格大概900円至1,100円，套餐就大概1,100円至1,400円。（截至2019年9月資訊）

3. 別府冷麵

別府冷麵發源於大分縣別府地區。第二次世界大戰後，好多人由滿洲國（中國東北滿洲）返去日本，就將喺東北朝鮮族到學返嚟嘅冷麵製作方式，同日本料理隔合，發展出「別府冷麵」。

將麵條放入日式湯汁入面，再加上泡菜、烤牛肉同雞等配料一起食。泡菜嘅酸辣味同清淡嘅湯汁非常夾架。

別府冷麵有兩大種類：冷麵專門店，同埋燒肉店嘅冷麵。專門店嘅麵條通常係比較有咬口嘅粗麵，而燒肉店則使用入喉滑順嘅中細麵條。好多舖頭都會使用自家製麵條，所以每間舖頭口感都會有唔同。

如果想食別府冷麵，可以去JR別府站周邊嘅沿岸地區。其中特別推薦別府冷麵嘅創始店「胡月」、自製麵條同湯汁嘅「一休之淚」(一休の泪)。冷麵嘅價格好扺好平，一份大概800円就食到。（截至2019年9月資訊）