由好幾座火山組合形成的「榛名山」, 位於群馬縣高崎市北部,登山路線非常豐富。除咗睇山景、行山遠足之外，榛名山湖、神社等亦係推薦觀光景點之一。

榛名山小檔案

榛名山為上毛三山之一（另外兩個係赤城山與妙義山）。
榛名山被掃部岳、天目山、等側火山圍繞,而主要火山口以外亦有榛名富士和相馬岳等小火山體嘅存在,地形非常複雜。

榛名山氣候與最佳旅遊季節

海拔1,449公尺嘅「榛名山」，一年四季溫差非常大。夏天最高氣溫21.2℃，而冬天最低氣溫可以去到零下11.3℃。從氣候上去睇，要去「榛名山」玩，喺涼爽嘅夏天去好似係最好不過。但其實，喺春天到初夏可以欣賞到山櫻、山杜鵑(映山紅) 、黃菅 (一種黃色百合花)等繽紛花卉，花花萬千為整片山頭增添唔少色彩。秋天醉人紅葉美景和冬天浪漫雪景亦非常吸睛。一年四季山景怡人，想要睇盡日本四季絕景就每個季度都去訪一下「榛名山」啊。。

榛名山必睇與必玩位

「榛名山」行山路線豐富，當然唔係單純行路，沿途處處都係美景。當中主要有3條路線，「掃部岳」路線、「榛名富士」路線、「ヤセオネ峠」路線。每條路線來回大約2個鐘算係比較好行，而且沿路可以欣賞到構成榛名山嘅各個眾山美景，榛名鹿藥(ハルナユキザサ) ，杜鵑花科嘅裏白纓絡等繽紛花卉亦係魅力之一。

去坐一趟「榛名山空中纜車」!將櫻花、雪景等四季絕景盡收眼簾

行山健行唔係太在行?唔緊要，可以搭「榛名山空中纜車」直接去山頂睇靚景。纜車來往榛名湖畔嘅「榛名高原站」和山頂「榛名富士站」。全長527公尺嘅「榛名山空中纜車」，只需2分50秒就可以抵達山頂。處身於纜車裡，可以盡情飽覽榛名山全景，而抵達山頂後，亦可俯瞰榛名湖和關東平原。如果遇上天氣晴朗嘅時候，甚至可以望到遠方嘅東京晴空塔®和富士山。

櫻花、紅葉、白雪與榛名山自然景觀所交織而成嘅絕景，一定會令你難以忘懷。

榛名山周邊觀光景點推薦!

遊榛名山記得要順便去埋周邊景點觀光啊!小編為大家介紹一下特別推薦景點。

榛名神社

歷史悠久嘅榛名神社位於榛名山南面山腳處。「權現造」風格嘅正殿，奇岩巨石，古老嘅杉樹等壯麗大自然景觀亦係必睇位之一。而榛名神社附近一帶亦有餐廳食店及資料館等等，可以順路去一探究竟。

榛名湖

榛名湖一帶係由火山噴發形成的「榛名富士」及「榛名湖」為中心。換言之，榛名湖係榛名山山頂嘅一座火山口湖。要飽覽榛名湖美景，推薦乘搭「TOTE 馬車」或「白鳥丸遊覽船」暢遊榛名湖畔，賞盡榛名山絕景。

榛名湖地區以榛名山火山噴發形成的「榛名富士」及「榛名湖」為中心。特別推薦榛名湖，可以搭乘「白鳥丸遊覽船」或「TOTE 馬車」眺望榛名山的景色。另外，在夏季可以看到源氏螢火蟲在夜空中飛舞，形成充滿幻想氛圍的光景。如果係夏天來訪嘅話，仲有機會見到日本常見的螢火蟲之一「源氏螢」翩翩飛舞，既浪漫又夢幻。

榛名山周邊酒店與旅館

選擇榛名山周邊住宿設施嘅話，推薦榛名湖一帶。雖然住宿設施數量唔算多，但選擇類型由酒店、旅館到日式小木屋等多樣設施可供選擇。費用方面，酒店每晚約5千日圓起、旅館每晚約7千日圓起、露營場區嘅日式小木屋每晚約2千日圓起。

另外，位於榛名山山腰，歷史相當悠久嘅「伊香保溫泉」亦係另一好選擇。由榛名湖搭巴士約40分鐘即可抵達。住宿費用比較高，平均每晚2萬日圓左右。（截至2019年9月資訊）

前往榛名山嘅交通方式

前往榛名山，首先以縣立榛名公園旅客接待中心為目的地。從JR高崎站搭往榛名湖方向嘅群馬巴士，於終點站榛名湖落車。車程約1小時30分鐘。落車後徒步約20分鐘左右，可抵達榛名山登山口所在地「群馬縣立榛名公園訪問者接待中心」(県立榛名公園ビジターセンター)。

景點資訊

• 名稱：榛名山（群馬縣立榛名公園訪問者接待中心）
• 地址：〒370-3348 群馬縣高崎市榛名湖町845
• 交通方式：高崎站→[群馬巴士（開往榛名湖方向）]約1小時30分→榛名湖→[步行] 約20分鐘
• Wi-Fi：無
• 語言：僅限日文
• 信用卡：不可使用