群馬縣草津町坐擁日本最著名溫泉地之一嘅「草津溫泉」以及滑雪場等等充滿特色嘅景點，每年冬季都會吸引大批前滑雪嘅遊客。喺享受冬季運動之後，您更可以前往草津溫泉消除疲勞，可謂冬季旅遊勝地！

位於日本群馬縣草津町嘅滑雪場

日本群馬縣草津町內有日本著名溫泉勝地「草津溫泉」、白根山等觀光景點。由於降雪量豐富，因此當地非常盛行冬季運動，區內優質粉雪每年都會吸引大批日本國內外滑雪好手慕名而來。另一方面，草津溫泉附近嘅「草津溫泉滑雪場」亦坐擁豐富觀光路線及絕景景點，係一處非常受遊客歡迎嘅觀光地嚟㗎！

歷史悠久「草津溫泉滑雪場」

草津溫泉滑雪場係一個早於大正時代就開設嘅歷史悠久滑雪場，亦係日本第一個擁有滑雪纜車嘅地方。由於著名草津溫泉就近在咫尺，冬季運動與溫泉完美組合因此吸引眾多遊客。該滑雪場內架設有8條纜車路線、5條滑雪道、6條滑雪路線，滑雪道總長達4,300米、最高處1,600米、最低處1,245米，高低差達355米。另外，場內設有可以穿著雪鞋健行嘅路線以及小朋友都可以放心玩雪嘅兒童樂園。有需要嘅遊客，亦可以即場租用完整滑雪配備。  

「草津溫泉滑雪場」基本資訊

草津溫泉滑雪場營業時間

「草津溫泉滑雪場」通常於每年12月15日至翌年3月31日左右開放。部分情況下營業期間可能會有變更或中止。

雪地纜車與兒童樂園基本資訊

雪地纜車營業時間為平日上午8:30到下午4:45、週六及週日8:00到下午4:45（夜間滑雪到晚上9:00），各雪地纜車路線營業時間與日期各有唔同；兒童樂園開放時間為上午9:00到下午4:00。營業時間可能會因下雪狀況而有所調整。纜車票價（一日券）為成人4,000日圓、孩童（4歲以上、小學生以下）3,000日圓、長者（60歲以上）3,600日圓、幼童票（一日券和兒童樂園門票等）3,000日圓（學齡前到4歲兒童）。

行李寄放資訊

滑雪場設有免費更衣室、投幣式儲物櫃（每個300日圓）。大型行李可寄放於服務處，收費為每件行李500日圓。

如何前往草津溫泉滑雪場

從東京出發前往草津溫泉滑雪場，您可以先於東京站乘搭北陸新幹線（約1小時10分鐘）前往輕井澤站，再從輕井澤站轉乘草津交通巴士或西武觀光巴士（約1小時55分鐘）於草津站下車。

景點資訊

• 名稱：草津溫泉滑雪場
• 地址：群馬縣吾妻郡草津町大字草津字白根國有林158林班
• 交通方式：東京站→[北陸新幹線]約1小時10分鐘→輕井澤→[巴士]約1小時55分鐘→草津站
• Wi-Fi：有
• 語言：英文
• 購票方式：現場售票處
• 信用卡：可以使用VISA、MasterCard、JCB、Diners、UC、AMEX（餐廳及café不接受信用卡）