講起栃木縣縣廳所在地—宇都宮嘅地道美食名產，仲唔係好出名嘅「宇都宮餃子」？！宇都宮市內約有30間餃子專門店。餃子係宇都宮居民不可或缺嘅「靈魂食物」。今次就從眾多餃子專門店當中，為大家挑選出幾間鴞宇都宮車站附近，交通方便，並深受當地居民喜愛嘅推薦店鋪。一盤都係約300円左右，咁平鐘意食餃子嘅人食多幾間都唔會肉赤！

宇都宮餃子有咩咁特別？

宇都宮當地名產美食「宇都宮餃子」雖然無明確定義，但比起普通餃子，肉餡較少，蔬菜較多，大蒜嘅用量較少都係其特徵。有煎餃、水餃、炸餃等各種食法。食材方面多使用韭菜、白菜、高麗菜。根據每間店鋪嘅做法都唔同，餃子皮嘅大小、厚度、餃子內餡、煎法、調味料等都有所差異。當地餃子實在太普及同出名，喺1993年仲成立咗「宇都宮餃子會」添，直至現時約有80間店鋪加盟。

宇都宮餃子餐廳推薦之1：宇都宮MINMIN本店

講到宇都宮餃子無人不知無人不曉嘅老店。於昭和33年（1958年）創業，喺店鋪開門之前已經大排長龍，非常受歡迎。提供燒餃、水餃、炸餃，各230円。內餡方面，大蒜份量較少，放入大量白菜，以芝麻油炸得香脆，味道清淡可口。

講到宇都宮餃子，無人不知、無人不曉嘅老店就係宇都宮MINMIN本店。創業於昭和33年（1958年），經常喺開門之前就已經大排長龍，非常受歡迎。提供煎餃、水餃、炸餃等，各230円。餡料方面，大蒜份量較少，放入大量白菜，以芝麻油煎得香脆，味道較清爽可口。

景點資訊

• 景點名稱： 宇都宮MINMIN（ 宇都宮みんみん本店）
• 地址：栃木縣宇都宮市馬場通4-2-3
• 交通方式：於JR宇都宮站徒歩約15分鐘
• 營業時間 : 11:30～20:00（LAST ORDER）
• 休息日：逢星期二、每個月兩次星期三

宇都宮餃子餐廳推薦之2：KIRASSE本店

推薦俾想享用各種唔同餃子，做比較嘅朋友。位於「MEGA唐吉軻德 宇都宮店」地庫1樓，分為常設區同每日更換嘅活動區。常設區包括「宇都宮MINMIN」等5間店鋪，活動區則由加盟宇都宮餃子會嘅34間餐廳當中10間輪流擺檔。而喺餃子工房內設有餃子製作過程嘅展覽板，仲可以透過玻璃窗參觀師傅現場製作餃子嘅情況。另外仲有商品店可以買到餃子相關特產添。

景點資訊

• 景點名稱： KIRASSE本店（来らっせ本店）
• 地址： 栃木縣宇都宮市馬場通2-3-12 MEGA唐吉軻德 宇都宮 B1F
• 交通方式：JR宇都宮站徒歩約20分鐘
• 營業時間 : 11:00〜20:30（20:00 LAST ORDER）、星期六、日及日本公眾假期：11:00〜23:00（22:30 LAST ORDER）
• 休息日：全年無休

宇都宮餃子餐廳推薦之3：香蘭

香蘭創業於昭和35年（西元1960年）。最大特色就係以高筋粉製成嘅的餃子皮，較厚且有咬口。內餡以高麗菜為主，並加入洋蔥，口感溫醇甜美。提供煎餃、水餃、炸餃不同食法等，各250円。其中特別推薦外層酥脆、裡層有咬口嘅「炸餃子」。

景點資訊

• 景點名稱： 香蘭
• 地址：栃木縣宇都宮市本町1-24
• 交通方式：JR宇都宮站徒歩約5分鐘
• 營業時間 : 11:30～20:00 LAST ORDER
• 休息日：全年無休