日本嘅世界文化遺產——富士山。
如果想要悠閒地觀光，並欣賞美景，咁就建議您選擇富士山周邊住宿，因為呢邊擁有多個旅遊勝地，包括山梨縣和富士五湖等地。
今次，我哋就為大家嚴選出3間位於富士山周邊嘅旅館、酒店，令你可盡情享受山中湖和河口湖嘅富士山觀光之旅。住宿嘅客房相當寬敞，可容納多人入住，非常適合團體或家庭旅行，讓大家享受一個愜意嘅美好時光！
若用戶經由文中連結購買或預約內文所介紹之商品，FUN! JAPAN將有機會收取部分收益。
山中湖和河口湖各自必睇觀光精彩位
出門旅行之前，先睇睇山中湖和河口湖各觀光景點啦。
即使同屬於富士五湖，但兩者氛圍截然不同，所以唔少人喺選擇住宿地點時可能會感到困惑。小編推薦大家可以配合返想去嘅當地名勝、戶外活動等，根據個人喜好去決定住宿地點喔。
山中湖地區（與富士山最近距離嘅度假勝地）的觀光重點
- 由於位於海拔約1,000米高處，因此即使喺夏天，平均氣溫大致上會維持喺20度左右，係一個著名嘅避暑勝地。
- 喺富士五湖中，山中湖地區距離富士山最近，亦可以欣賞到令人驚嘆嘅湖泊和富士山絕景。
- 可體驗水陸兩用巴士、遊覽船等多項湖上活動。
- 10月底至2月出現嘅「鑽石富士」景色（當太陽和富士山頂重疊時所形成嘅現象），亦不容錯過！
從東京到山中湖的交通方式
- 巴士：從新宿高速巴士總站（バスタ新宿）乘坐富士五湖線中央高速巴士，需時約2小時15分
- 電車：從新宿站前往小田急電鐵御殿場站，需時約1小時40分鐘，然後轉乘往河口湖方向嘅富士急行巴士約45分鐘，喺「富士山山中湖」落車即可抵達
河口湖地區（最適合作為富士山觀光嘅據點）的觀光重點
- 從新宿站乘坐特急列車即可抵達，作為旅遊據點最適合不過。
- 附近地區有多個著名旅遊景點，如富士急樂園和新倉山淺間公園。
- 可從富士山景觀纜車和河口湖觀光船上各種角度飽覽湖泊美景。
- 春天有「富士、河口湖櫻花祭」，秋天有「富士河口湖紅葉祭」，每個季節都會舉辦多個活動。
從東京到河口湖嘅交通方式例子
- 巴士：從新宿高速巴士總站（バスタ新宿）乘坐富士五湖線中央高速巴士，約1小時45分鐘。
- 電車：乘搭JR、富士急行直通特急列車「富士回遊」，從新宿站前往河口湖站，約需時113分鐘。
富士山景觀住宿推薦！適合多人住宿嘅山中湖、河口湖住宿3選
如果係家族或團體旅行嘅話，最好避免要分開住唔同酒店或樓層。
今次，我哋要分享有關一整棟別墅式嘅住宿推介！住宿更配備必備家電、廚房器具和盥洗用品，非常適合長期住宿。
※本文中各住宿設施相片僅為參考，因不同棟或房間嘅裝修可能會有所不同，請以預訂頁面嘅實際情況為準。
※本文中所提及嘅價格，皆為撰寫文章時於預訂網站上顯示嘅價格。
【山中湖地區】「Rakuten STAY VILLA 富士山中湖」：從浴室或露台嘅絕佳視角盡情飽覽富士山的壯麗景色
推薦重點：
- 可從住宿範圍內、或Jet Bath按摩浴缸中欣賞富士山美景。
- 所有房型均配備BBQ燒烤爐。
- 距離山中湖湖畔僅30秒步行路程。
「Rakuten STAY VILLA 富士山中湖」位於山中湖東側，面對住壯麗富士山，其最大魅力無疑係可以喺無任何遮擋嘅情況下，盡情欣賞富士山美景。
一樓有木製甲板設計嘅戶外空間和客廳，二樓有Jet Bath按摩浴缸，你可以從中任意揀選想要欣賞富士山嘅地方。視野無敵兼風景絕佳！
想享受富士山美景嘅奢華療癒時光？咁就一定要試試可以望到富士山景觀嘅Jet Bath按摩浴缸吧！不過，只有101和102室嘅浴室先可以欣賞到富士山美景！建議儘早預約！
客房以自然色調為主調，配備有日式設計廚房（System Kitchen）、微波爐、帶烘乾功能嘅洗衣機、雪櫃等不可或缺嘅家電，令你嘅旅程更加方便。
Rakuten STAY VILLA 富士山中湖
- 地址：〒401-0502 山梨縣南都留郡山中湖村平野410-3
- 交通方式：
- 從山中湖交匯處駕駛約10分鐘，或從富士山站駕駛約20分鐘。
- 從新宿站乘搭高速巴士，喺山中湖平野巴士站落車徒步約10分鐘。
- 入住時間：15:00〜22:00
- 退房時間：10:00
- 價格：每晚24,750日圓起（含稅）。
- 預訂網址：Rakuten STAY VILLA 富士山中湖
【河口湖地區】「Rakuten STAY 富士河口湖站」：從客房和風呂浴室欣賞富士山美景
推薦重點：
- 全棟住宿都可以清晰地眺望富士山美景。
- 可在BBQ嘅露台、附設按摩浴缸嘅浴室等，享受非日常體驗。
- 距離河口湖車站步行約9分鐘，使用電車作交通工具嘅遊客都可以輕鬆前往。
無論係用餐，浸浴期間，都想一直望住富士山嘅絕美景色？咁就一定要揀「Rakuten STAY 富士 河口湖站」，就可以實現你呢個奢侈夢想啦。
呢度有提供可BBQ嘅露台、附設按摩浴缸嘅觀景浴室、開放感十足嘅屋頂露台。猶如伸手可觸嘅近距離欣賞富士山，相當過癮！呢個亦係住宿者獨有嘅特權喔。
因為從風呂浴室正面可以欣賞到富士山，所以每日嘅沐浴時間都變得令人超級期待。
喺屋頂露台上邊嘆BBQ邊睇靚景，經已成為代表性嘅招牌活動。可以感受到何謂「風景係最好嘅調味料」喔！
Rakuten STAY 富士 河口湖站
- 地址：〒401-0301 山梨縣南都留郡富士河口湖町船津3557-10
- 交通：從富士急行「河口湖站」步行約9分鐘
- 入住時間：15:00〜22:00
- 退房時間：10:00
- 價格：每晚28,000日圓起（含稅）
- 預訂網址：Rakuten STAY 富士 河口湖站
【河口湖地區】「Rakuten STAY VILLA 富士河口湖之森」：喺大自然氛圍中享受親子同樂好時光
推薦重點：
- 坐落於被森林包圍嘅地理位置，讓人放鬆身心。
- 所有客房均配備桑拿、人工溫泉浴室、木製甲板設計嘅戶外空間。
- 提供小朋友自由玩樂嘅空間。
「Rakuten STAY VILLA 富士河口湖之森」嘅客房設計融入綠色元素，透過高挑天花板和大型窗戶嘅設計，讓人可以360度感受大自然嘅美妙空間。
當你行出客房，就會踏入被大自然包圍嘅共用空間。設有吊床、懸掛式梳化、樹樁遊樂設施等等，連大人都會不由自主地童心再現，想要與小朋友齊齊大玩特玩喔！
呢度仲有提供半露天或天空景觀嘅人工溫泉浴室，浸一浸應該可以瞬間舒緩都市生活所帶嚟嘅疲憊。
每個房間都設有私人桑拿房，可盡享度假嘅樂趣，甚至好玩到會覺得離開酒店都好似有點浪費咁𠻹。
從辦理入住手續嘅建築物就可以將共用空間一覽無遺，令大人可以好安心地畀小朋友喺度盡情嬉戲。
Rakuten STAY VILLA 富士河口湖之森
- 地址：〒401-0301 山梨縣南都留郡富士河口湖町船津5636-1
- 交通：從富士急行「河口湖站」駕駛約10分鐘
- 入住時間：15:00〜22:00
- 退房時間：10:00
- 價格：25,897日圓起/每晚（含稅）
- 預約網站：Rakuten STAY VILLA 富士河口湖之森
想預訂日本住宿嗎？即刻去Vacation STAY預約吧！
你係咪經已感受到河口湖、山中湖周邊住宿設施嘅魅力呢？如果有勾起你一絲絲興趣，記得喺計劃下一次日本旅行時，考慮將其加入行程入面。
上述嘅住宿設施由Vacation STAY提供。Vacation STAY提供與一般酒店唔同，較為獨特嘅住宿方案。有古民家、木製小屋、海邊度假村等，相當有趣。下個日本之旅，不妨去探索新嘅日本旅遊方式，體驗那些被不同世代所喜愛嘅旅館吧。
睇更多有關富士山周邊嘅實用旅遊文章！
Comments