鍾意鬆弛熊嘅朋友千祈唔好錯過！日本國內第2間以「和風×鬆弛熊」為主題嘅和風咖啡店「鬆弛熊茶房」喺廣島・宮島開幕啦！以「日本嘅木造傳統建築和木頭嘅溫暖」為主題，加上鬆弛熊鍾意嘅「蜂蜜」為主要概念嘅和風咖啡店。並且有該店先有嘅限定商品同餐點添！
浮喺海上嘅紅色大鳥居係宮島・嚴島神社嘅象徵，其高度亦係木造鳥居當中，名列日本第一。此外，社殿群全體都係歷史悠久嘅建築物，並登錄為世界遺產，向全世界傳開此建設喺海上嘅木造建築物之美。宮島嘅鬆弛熊茶房就係以「日本嘅木造傳統建築同木頭嘅溫暖」為主題，加上鬆弛熊喜愛嘅「蜂蜜」為主要概念嘅和風咖啡店。
餐點・甜品・外賣餐單
延續鬆弛熊茶房受歡迎嘅蔬菜健康餐單同和風甜品，加上使用蠔同檸檬等廣島・宮島特色食材嘅鬆弛熊造型餐點同甜品，帶嚟視覺同美味嘅雙重享受。
※餐點、甜品為未稅價格，外賣餐單為含稅價格。
鬆弛熊造型海鰻和蠔天婦羅御膳 1,580円
躺喺玉子燒枕頭上瞓覺嘅鬆弛熊。炸得酥脆嘅海鰻同蠔天婦羅，加上3種日式配菜，組合成可愛嘅鬆弛熊造型御膳。
小雞造型炸蠔咖哩飯 1,280円
小雞造型嘅藏紅花飯加上炸得酥脆嘅炸蠔，搭配香醇濃郁嘅咖哩醬，一齊品嚐簡直係一個字：正呀！
悠閒賞紅葉谷 鬆弛熊和風朱古力香蕉新地 1,280円
使用香蕉重現紅葉谷嘅拱橋，呢款新地喺香蕉雪糕加上水蕨餅，可以食到好似香蕉大福咁嘅彈牙口感，係一款和風嘅新地。
小白熊造型瀨戶內檸檬雪芳蛋糕 980円
使用咗瀨戶內檸檬同蜂蜜嘅蓬鬆雪芳蛋糕上面散佈莓果，酸酸甜甜嘅檸檬片如同花瓣一樣，可愛又吸引人。
鬆弛熊造型蜂蜜夾心蛋糕・小白熊造型蜂蜜夾心蛋糕 600円
夾心使用各種口味嘅雪糕，用法式甜包做成鬆弛熊、白麵包則係小白熊。可愛無辜嘅眼神好似想叫你帶佢返屋企咁呢♪ ※僅限外賣
鬆弛熊造型紅葉饅頭 一組2個 350円
宮島店原創限定款！超可愛嘅鬆弛熊造型紅葉饅頭。※僅限外賣
只有喺宮島店先買得到嘅限定商品新登場！
除咗有宮島知名嘅當地土產・紅葉饅頭之外，仲有以紅葉或飯杓、檸檬等充滿宮島色彩嘅宮島鬆弛熊茶房限定商品陸續登場，想必會係好受歡迎嘅手信、紀念品呢！
- 紅葉饅頭 一組8個 1,200円
- 裝飾飯杓（小）全5種 各1,600円
- 熊野化粧筆 粉刷、胭脂掃、眼影掃、眉毛掃、唇刷
- 豆皿 全9種 各800円
陸續仲會推出好多宮島限定嘅餐點同商品，詳情請瀏覽官方網站睇最新資訊吖♪
可獲得宮島鬆弛熊茶房限定角色嘅開幕紀念活動！
紀念宮島鬆弛熊茶房開幕，同有鬆弛熊等San-x好多可愛角色登場嘅手機遊戲「悠閒地拼圖」合作，喺期間限定嘅活動區域裡開啟手機遊戲玩嘅話，就可以獲得以宮島店為主題嘅可愛角色，有興趣就唔好錯過啦♪
店鋪資訊
- 名稱：宮島 鬆弛熊茶房
- 地址：〒739-0500 廣島縣廿日市市宮島町中之町537
- 營業時間：
- ■茶房 10:30～17:30（預定）※午餐最後點餐時間為16:30、咖啡最後點餐時間為17:00
- ■外賣 10:00～17:30（預定）
- ■商店 10:00～18:00（預定）
- 休息日：全年無休
- 開幕日：2019年4月25日（星期四）
- ※根據人潮狀況，有可能會喺點餐時間內提早結束接受最後點餐，還請見諒。
相關連結
- 鬆弛熊茶房官方網站：http://rilakkumasabo.jp
- 鬆弛熊官方網站：http://www.san-x.co.jp/rilakkuma/
- 鬆弛熊官方Facebook Fans Page：https://www.facebook.com/RilakkumaRilakkumaSanX
- 鬆弛熊官方twitter帳號：https://twitter.com/rilakkuma_gyr
Comments