高山祭屋台會館欣賞高山祭相關展品！了解高山歷史嘅景點推薦

起源自西元16世紀後半至17世紀左右嘅高山祭，素有日本三大美祭之稱。雕刻精美華麗嘅屋台係呢個祭典嘅特色。每年喺4月14日、15日以及10月9日、10日舉行，錯過咗祭典舉辦期間，亦可以造訪「高山祭屋台會館」欣賞祭典中真實所用嘅屋台。

今次就要為大家介紹高山祭屋台會館嘅必看之處。

高山祭屋台會館嘅展示

喺高山祭屋台會館展示咗咩呢？就等我哋嚟一探究竟啦！

高山祭屋台會館一定要睇嘅重點就係館內所展出嘅屋台，係真正出現喺高山祭祭典中嘅屋台。高山祭被指定為重要無形民俗文化財，而祭典所使用嘅屋台更加係重要有形文化財。

春秋兩季舉行嘅高山祭，實際上依季節不同所用嘅屋台都唔一樣。秋季祭典中所使用嘅屋台一共有11座，而高山祭屋台會館館內就展示出其中4座。3月、7月、11月會定期更換展出嘅屋台，大家可以喺唔同嘅季節嚟欣賞唔同屋台嘅美麗。

參觀高山祭屋台會館嗰陣，會有巫女親自導覽解說相關展示作品。想了解更多相關文化嘅人，一定要嚟參觀一下。

喺資料影像展示室可以觀覽祭典時所錄製嘅影片。另外祭典所用嘅道具及文獻資料亦喺呢度展出。

高山屋台會館嘅入場費用為：成人900円、高中生550円、初中生及小學生450円。亦可以憑票進入櫻山日光館參觀。參觀完高山屋台會館之後，不妨去參觀埋櫻山日光館。

櫻山日光館展現出1/10比例嘅日光東照宮模型。使用超過50萬個模型製作，無論係裝飾、雕刻、繪畫都栩栩如生，完完整整呈現出東照宮嘅莊嚴神聖之美。

要前往高山屋台會館，可以喺JR高山站出發行約20分鐘即可抵達。附近仲有飛驒高山獅子會館，機關人偶博物館可以參觀。

從古色古香街道嘅三町筋，或舉辦早市嘅地方出發，行到會館都只係10分鐘左右嘅路程。參觀完高山屋台會館之後，推薦大家可以好好欣賞一下高山市市內嘅風景。