一生人必去一次絕色童話世界！冬季夜間點燈夢幻聚落「白川鄉」

岐阜縣白川鄉獲登錄為世界遺產之一。春天賞櫻、夏天舒爽綠意、秋天賞楓紅，而喺冬天則可以欣賞到美麗雪景。

冬日下白雪雪嘅白川鄉，係一年當中特別美麗嘅季節，所以相當受旅客歡迎。今次一於就嚟為大家介紹一下冬日嘅白川鄉！

白川鄉冬季景色

冬季嘅白川鄉係白雪雪一片銀色世界。白雪覆蓋屋頂，將聚落染成銀白。雪落得越多，就越顯靜謐氣氛。喺寒冷當中浸溫泉，或者圍著圍爐用餐，別有一番風味，保證令您嘅日本之旅格外難忘！

白川鄉嘅冬季特別靚嘅理由之一，就係夜間點燈活動。黑夜雪地裡燈火照明，呈現出更夢幻氣氛。

夜間點燈照明多數喺每年1月同2月舉行，至2019年為止合計舉辦咗6次。活動近年規定必須事先預約，但人氣依然不減，通常喺1年前就預約額滿！若果想欣賞夜間點燈嘅白川鄉，建議提早計劃呀。

白川鄉喺12月下旬至3月上旬會落雪。12月嘅最高氣溫約5.4度、最低氣溫約-2度。1月嘅最高氣溫約2.6度、最低氣溫約-4.4度。2月嘅最高氣溫約2.7度、最低氣溫約-4.9度，可以講係相當寒冷，所以建議要做好防寒準備啊。

冬季造訪白川鄉時嘅服裝，要注意嘅係唔好太凍搞到玩得唔盡興，建議要著暖啲呀。

冬天大褸外套、甚至係羽絨外套可謂必須！裡面建議著上保暖內衣同較厚嘅上衣。冷帽、圍巾同手套都係必備防寒物品。普通嘅鞋有可能會被融雪整濕、有滑倒嘅危險，所以建議著雪靴為佳。

從高山去白川鄉嘅交通方式可以喺高山濃飛巴士中心4號乘車處搭巴士車程約1小時。交通費為2,470日圓。

上巴士後可以唔使轉車就到達，咁就唔使擔心迷路啦，非常方便！