菅沼合掌造聚落嘅特色，與白川鄉，相倉聚落嘅差異

「菅沼合掌造聚落」，白川鄉嘅「荻町聚落」、「相倉聚落」呢三個聚落登錄為世界遺產，當中應該有唔少人煩惱到底去邊一個聚落比較好呢？今次小編就要同大家介紹一下「菅沼聚落」嘅魅力所在，同時話俾大家知同另外兩個聚落有邊啲咩唔同嘅地方。

菅沼合掌造聚落嘅特色

登錄為世界遺產嘅菅沼合掌造聚落到底有啲咩特色呢？

菅沼聚落內登錄為世界遺產嘅合掌造建築一共有9棟。附近有腹地廣闊嘅公園、庄川流經此處，可以飽覽美麗嘅富山自然景色。嚟到呢度，彷彿時鐘指針停止運作，每一幅畫面猶如吉卜力電影場景先至會出現嘅優美景色。

菅沼聚落嘅範圍唔大，放慢腳步悠閒地欣賞景色，差唔多1個鐘就足夠。非常適合想優哉悠哉地欣賞大自然景色嘅人。

菅沼聚落同白川鄉相倉聚落嘅差異到底有啲咩呢？旅遊時間短促，無辦法一次過行曬，煩惱緊去邊一個比較好嘅人可以嚟參考一下啦！

想去充滿觀光氣氛嘅地方、白川鄉最為合適。世界遺產所登錄嘅地區有3分之2都屬白川鄉，佔地範圍非常廣闊。

而白川鄉嘅觀光設施資源亦係最齊全完善，有多間餐廳同住宿設施，對於觀光旅行算係方便。所以觀光客多數去白川鄉。想體驗觀光氣氛，感受規模廣大嘅聚落，推薦大家可以去白川鄉遊玩。

「唔想去好多遊客嘅地方，想感受更多大自然」嘅人，推薦大家可以去菅沼聚落或相倉聚落。範圍雖然細，但可以悠閒地好好欣賞，唔使急唔使趕唔使迫，行一圈大約都只係需要1個鐘頭時間就夠。

由於嚟呢度嘅觀光客唔多，環境幽靜宜人，想好好欣賞世界遺產之美，非常推薦大家可以嚟菅沼聚落或相倉聚落。

從白川鄉乘搭世界遺產巴士前往菅沼聚落大約50分鐘，車費860円。從高山出發前往，需先搭巴士至白川鄉，再轉搭前往菅沼聚落嘅巴士。

如果從東京出發，乘搭北陸新幹線至新高岡站，之後轉搭世界遺產巴士，輕鬆又方便，車程合計大約4個半鐘頭，車費約15000円。