高山早市有兩個！體驗朝市的魅力和樂趣

飛驒高山嘅早市（朝市）擁有悠久歷史，從江戶時代就開始舉辦到而家。明治時代中期，農家嘅女主人們開始擺賣蔬菜，而開始漸漸形成「朝市」。

朝市每日都有，觀光時亦可以順便去行吓都唔錯呀。呢次就同大家介紹高山嘅朝市啦。

高山早上嘅市場有兩個地方

高山嘅朝市實際上喺兩個地方舉辦，無論邊個距離高山車站都好近，行路都係只係花差唔多10分鐘左右就到。雨天或落雪天氣唔好時，出嚟擺檔嘅店舖大約10間左右；但天晴氣朗時最多有30至40間㗎。

越接近中午，商品就會陸續售出，好容易賣光缺貨，有啲店商品賣唒就會收攤，所以盡可能早啲去比較好呀。

擺檔嘅人都好開朗熱情，個個都相當熟悉高山，有機會不妨同佢哋傾傾計，交流吓啦。

行宮川朝市大約只需花30分鐘至1個鐘左右就行得唒。可以買到新鮮蔬菜、水果、輕食，仲可以買到日本工藝品添。

高山陣屋前舉辦嘅陣屋前朝市喺廣場前擺設咗好多攤檔。販賣好多蔬菜、水果、醃製物等食品，唔單只係觀光客鍾意嚟，更係在地居民日常必去嘅朝市。

高山朝市擺賣咩呢？一齊睇吓啦～。

高山嘅朝市販賣當地栽培嘅農產品。無論係水果、蔬菜睇落都又新鮮又好味，雖然帶唔返香港，但淨係欣賞都係一種享受。

如果係水果嘅話，好多都可以當場享用，一定要試吓當地新鮮嘅水果呀。

講起朝市，大家覺得裡頭所賣嘅商品應該都係食物居多吧。但係呢度仲會擺賣一些傳統工藝品添㗎。好多都適合買嚟當做手信、紀念品，返香港送俾人。

行朝市嘅樂趣就係邊行邊食。另外仲有好多輕食，咖啡曲奇或無添加布丁都有賣。旅行中享受當地嘅美味，讓旅行變得更有趣。

入住高山嘅酒店，早啲起身，去行吓朝市啦！或者會有意想不到嘅發現啊。讓高山旅遊從早晨就充滿歡樂！