天空一片蔚藍，萬里晴空，陽光不留情面地照射下來。我緩緩地走在有「象背」支撐的巨岩上，逐漸映入眼簾的這片光景，盼望已久（頸都長啦）。眼前群山與遼闊的大海連綿不絕，望見此情此景的那一刻，時間指針彷彿停下了腳步。至於企喺巨石上嘅我，宛如一隻小小鳥（我是一隻小小小小鳥～♪），靜靜地眺望著眼前美景，可以睇好耐好耐好耐......
世界遺產、奇蹟的清流、與大自然共存的地區
洋溢自然魅力嘅三重縣紀北町。當中，紀北町「海山地區」名符其實，坐擁高山大海美景。當中推薦嘅自然觀光景點眾多，有「奇蹟的清流 銚子川」呢條河川至入海口附近嘅水質清澈見底，仲有世界遺產熊野古道伊勢路嘅代表之一「馬越峠」等等。
銚子川嘅清澈水面，被稱之「銚子川藍」，透明度之高，清晰可見，肉眼即可觀察到水底嘅一切。
「馬越峠」喺熊野古道伊勢路這段路程中，以石階最出名。前人於此行過每一步深深烙印係呢個神秘空間裡面。
今日目標 「象背」攀登便石山
你知道此處可以一眼望晒銚子川、馬越峠、以及紀北町到尾鷲市嘅大海嗎？
那就是，擁有象背巨石嘅「便石山」。
便石山標高599米，適合健行登山，分為兩條路線【馬越峠路線】、從銚子川附近露營地出發嘅【露營inn海山森林小路路線】
便石山「象背」的位置，種蒔權兵衛之里拍攝嘅相片
今次我揀咗【露營inn海山森林小路路線】去體驗。攻頂大約1小時40分鐘，略為傾斜嘅坡路，需踩穩腳步。另外部分路面濕滑，須格外小心。
而呢座山可能會有熊出沒。同我一齊爬山嘅夥伴背囊上掛著熊鈴，鈴鈴鈴嘅鈴噹聲響徹山林。令人感到意外嘅係，鈴聲居然仲會具備確認團隊所在嘅功能，長知識了。
山間茂密生長嘅樹木和植物繁多，此處仲會有特有大花崗岩等等，成個空間俾人嘅感覺好「馬越峠」。
終於到啦。盼望已久嘅景色就在眼前...
用咗1小時40分鐘，喺和煦陽光之下，我們終於到達目的地「象背」。從象背岩背後睇落真係好似大象背脊吖。腦海讓人浮現漫畫中出現嘅巨象。
慢慢地走向前…
3…2…1！！！
眼前呢片光景頓時吹走一切爬山嘅疲勞。身心靈都沉浸於大自然當中，令人感到心情愉悅。
視線正前方所看到的山頭就係馬越峠。左下方係銚子川，右下就係尾鷲市嘅街景。天空和大海所繪製嘅呢幅藍色畫布真係超醉人。
※登山當日天空有一層薄薄嘅雲層。靚到仲想挑戰多一次吖。
企係象背上有如一隻小小鳥，你又想唔想體驗一下？
【挑戰便石山須注意嘅幾點事項】
登山步道凹凸不平，時而有凹陷處，請小心腳下步伐，踩穩腳步。
小心野生動物出沒，如蝮蛇、蜜蜂等
最佳登山時節為空氣清新嘅晚秋至冬天。
※由於夏天會有較多蝮蛇、蜜蜂，唔建議夏天前往
參考：露營inn海山 便石山
作者簡介
yuichirou.hamaji
生於南伊勢，伊勢土生土長，鐘意探索、體驗三重線未知事物，好奇心比一般人強。特別鐘意戶外活動。發現人與人之間相處非常重要。喺三重縣各地充滿許多有趣嘅人、事，藉由撰寫文章投稿，令更多人知道三重縣嘅魅力。
OTONAMIE http://otonamie.jp/
*該網站有Google網頁翻譯功能
Comments