想體驗入住日本白川鄉農家！享受當地生活及農產美食

保留好多日本古早風情嘅白川鄉，至今仍然有好多人喺呢度生活，從事農業或經營觀光旅遊業。想入住白川鄉合掌造建築嘅民宅同品嘗當地料理嘅人我諗都唔少。今次就同大家介紹點樣可以去到白川鄉體驗當地生活啦。

提供住宿嘅白川鄉合掌造農家

好多人都覺得白川鄉嘅合掌造建築只可以參觀，應該唔可以住啩。但實際上有啲地方提供住宿㗎，當地有部分建築轉型為民宿經營，大家不妨Check吓啦。

想體驗白川鄉農家嘅生活，入住合掌造建築嘅民家啦，感受當地平常嘅日式生活。

另外，想體驗戶外活動同各種活動嘅人，我哋推薦你去「TOYOTA白川鄉自然學校」。可以參加圍爐裏體驗，學習燻製料理，呢度嘅眾多體驗就好似可以穿越時空咁去到古代白川鄉，好新鮮特別！呢間設施同時提供住宿服務，想搵地方住嘅人不妨考慮吓呢度呀。

去白川鄉，想食使用當地食材所精心烹調嘅料理的話，非常推薦大家去當地嘅餐廳同早市（朝早）呀。

白川鄉嘅餐廳，無論係邊間都用當地食材烹調。滿滿山野美味嘅山菜料理、使用當地和牛飛驒牛料理等等，眾多珍饌只有去白川鄉先有機會試到。

然而，仲有獨特嘅「五平餅」，一種將米磨碎整成扁平橢圓狀，喺上頭塗上味噌嘅當地美食，只有嚟到飛驒地區先食得到。仲有知名嘅當地小食，淋上甜甜醬油嘅「醬油丸子」等等，各種當地料理家喻戶曉，非常適合為食時慢慢享用。

從白川鄉搭巴士約1個鐘左右就可抵達「高山」。

去白川鄉觀光時，推薦不妨順便去埋高山一遊。喺高山每日都有早市（朝早）。喺呢度可以買到當地農家栽培嘅蔬菜同水果。如果想試吓只有呢度先有嘅食材嘅話，推薦可以去朝市市場行吓吖。

去到高山後，推薦你喺度觀光遊覽同留宿一晚，隔日清晨行完朝市之後，再出發去白川鄉嘅行程都唔錯呀。