白川鄉荻町聚落嘅特色同交通資料

登錄為世界遺產嘅「白川鄉五箇山合掌造聚落」之一嘅「荻町聚落」，其面積佔咗合掌造聚落嘅2/3，非常廣闊。作為觀光景點，觀光設施眾多嘅荻町聚落，熱愛觀光嘅你，不容錯過。

白川鄉荻町聚落嘅特色

就等我哋嚟睇睇白川鄉荻町聚落嘅特別之處啦。

荻町部落嘅特色，唔使多講梗係合掌造建築嘅房屋啦。屋頂較窄嘅一邊均為南北方向，排列整齊，呈現整齊劃一嘅景色。

另外，無圍牆圍住，更顯開放寬敞。

荻町聚落中，有一間「和田家住宅」建於江戶時期，被指定為國家重要文化財。係江戶時期村長等官職所居住嘅屋企，相較於其他屋宅規模亦比較大。

白川鄉嘅聚落，春季櫻花綻放、夏季新綠盎然，秋季滿山楓紅，依季節不同睇到唔同嘅風貌。當中，最靚最出名嘅係冬天積雪嘅時候。

成片山野染成一片銀白色，喺小屋內黃澄澄嘅燈光點綴之下，打造出夢幻嘅浪漫世界。

白川鄉嘅美食非常值得品嚐，飛驒地區所飼養嘅和牛，周圍山野所採摘嘅山菜，仲有鄉土料理五平餅，可以享受各式各樣嘅美味。

從高山前往白川鄉荻町聚落嘅交通方式，乘搭巴士車程大約1個鐘左右。從東京前往，乘搭電車或巴士都OK。

選擇乘搭巴士嘅人，從東京到富山、再轉搭至白川鄉約8個鐘，車費約4,200円。揀選乘搭電車嘅話，可以乘搭新幹線到富山，再轉搭巴士至白川鄉，車費約15,000円左右，車程大幅縮減至3個鐘頭左右，非常適合想輕鬆搭車嘅人。