知名電影舞台飛驒古川嘅觀光名勝。唔可以錯過嘅當地美食同旅館資訊！

「飛驒古川」成為電影「你的名字。」嘅舞台因而名聲大噪。作為人氣觀光地嘅飛驒古川，到底去邊度玩好呢？唔單止飛驒古川嘅觀光勝地，今次仲要一次過同大家介紹當地酒店同必食嘅美食。

日本飛驒古川嘅觀光勝地

首先為大家介紹飛驒古川嘅觀光勝地。洋溢日本古老景色嘅飛驒古川，非常適合放慢腳步，優哉悠哉地欣賞風景。

喺飛驒古川嘅觀光行程當中，而家最人氣高漲嘅活動就係「踩單車」。租一架單車，喺悠然自在嘅田野風光乘風奔馳，真係好爽啊～

另外，仲有一項熱門活動就係「鐵道登山單車Gatten go!!」，將單車同2006年廢止嘅舊神岡鐵道結合，騎上鐵道登山單車，順著鐵軌路線，欣賞風景，非常受歡迎。路線分為兩條，一條係繞市區，一條係行經溪谷，大家可以依自己想睇嘅景色揀選。

飛驒古川嘅特色係保留咗好多日本田園風景。同熱鬧喧嘩嘅都市截然不同嘅自然景色，賞心悅目，非常適合嚟呢度散下步，感受一下懷舊嘅日本時光。

可以喺條街閒逛，見到美麗風景就按下相機快門留念，見到有興趣嘅店，就隨意入去睇睇，話唔定會有一場命運嘅邂逅呢。

飛驒古川車站因為喺電影「你的名字。」登場，成為縣下人氣嘅觀光景點。另外喺電影登場嘅神社、圖書館同巴士站都喺附近。有機會去飛驒古川嘅話，不妨重睇「你的名字。」，去旅遊嗰陣就可以增添唔少樂趣啦！

推薦飛驒古川小食「五平餅」。五平餅係將梗米磨成略為顆粒嘅程度，沾上又鹹又甜嘅醬汁去燒。係飛驒古川嘅鄉土料理，如果睇到有賣，一定要食一下啦。

飛驒古川有各式日本傳統旅館。豐富豪華嘅料理同溫泉係住喺日本旅館最舒服嘅享受。

造訪日本嘅時候，一定要去住啦！

從東京搭電車前往飛驒古川嘅車程約5個鐘，車費約1萬4,000円左右。（根據2019年4月嘅資料）。從東京搭新幹線至富山，再轉乘JR高山本線往豬谷方向嘅電車，於豬谷站落車。再乘搭往高山方向嘅電車至飛驒古川。