上次我哋介紹咗日本黏狀食材有納豆、淮山同秋葵。每樣都好有益健康且有助延年益壽嘅作用。今次嘅內容就係同大家介紹，有益美容嘅黏黏葉菜類食材。同上次一樣，依食材分別介紹日本人愛吃嘅理由同功效。
點解黏性咁有助美容？
黏稠成分能夠強力留住水分，認為有助於維持美麗嘅肌膚狀態。另外，據說能夠活化細胞、防止老化，可望達到抗老化嘅效果。
明日葉
日本產嘅明日葉其名由來係「今日採摘葉子，聽日就冒出新芽」。
明日葉擁有抗氧化、維持視力同美肌等功效，深受日本女性喜愛。莖葉所滲透出嘅黃色黏稠成分則有強大嘅抗菌作用，亦有滋養強健之作用。多添加活用喺健康食品同保健食品之中，證實咗明日葉係幾咁有益。
食用方式多為清炒或加入湯中。
潺菜（落葵）
因其莖為紫色，所以日本會稱之為「蔓紫（つるむらさき）」。據說能夠預防老化，改善焦慮情緒。內含豐富維他命Ｃ，每100g有41mg，亦有益美容，同時含150mg嘅鈣幫助穩定情緒，另外富含更多營養成分，如維他命A同鉀、鎂、鐵等等礦物質。
日本一般常見食法係「飛水」涼拌。
黃麻
原產地為非洲、印度一帶，其生命力之強韌，喺沙漠都可以種植培育。埃及喺五千多年前就已經開始栽培。黃麻可預防老化、增強免疫力、防止骨質疏鬆症等功效睇得出佢有幾厲害。
飛水過後用菜刀略為切過，慢慢滲透出其黏稠汁液，就咁食都可以，或者加入湯水入面都好好味。
呢次內容大家覺得點呢？日本女性咁識保養美容，話唔定就係同黏性強嘅食材有關呢？
Comments