仙台有好多可以品嚐仙台名物嘅美食餐廳。今次小編就要為大家推薦三間精選嘅餐廳。
仙台最具代表性嘅美食「牛舌」專門店
「牛舌」係仙台最具代表性嘅美食。仙台站周圍有將近70間牛舌專門店，非常受到受觀光客歡迎，因為可以食到高品質嘅牛舌料理。例如，「利休」、「喜助」、「善治郎」、「伊達嘅牛舌本舗」呢幾家店都非常出名，仲開設多間分店，遍布仙台市同宮城縣內各處。如果去仙台站三樓嘅「牛舌通」，就可以搵到呢四間牛舌專門店。請一定要去試試啦！
美味嘅爐端燒：地雷也
「地雷也」係仙台名物－爐端燒嘅名店。爐端燒係指喺方形開口式火爐上燒海鮮同蔬菜。仲可以喺呢間餐廳食到仙台牛排同魚生。「地雷也」人氣招牌菜係燒「特大嘅石狗公（學名為大翅鲪鲉）」同「手工製作嘅魚板」。含有適量油脂嘅大翅鲪鲉肉質非常美味。
店內有各式座位，既然嚟到，推薦選擇吧檯座位，可以親眼睇到廚師就喺你眼前將仙台嘅新鮮食材放喺炭火上燒烤嘅模樣。
餐廳資訊
- 名稱: 地雷也
- 地址: 宮城縣仙台市青葉區國分町2-1-15
- 交通方式: 地下鐵南北線 勾當台公園站步行約5分鐘
採用當地食材製作嘅日本料理：一舞庵（位於威斯汀酒店内）
「一舞庵」係一間日本餐廳，位於仙台威斯汀酒店37樓，係一間由著名嘅京料理名店所推出嘅餐廳。喺「一舞庵」可以品嚐仙台嘅當季食材製作嘅會席料理同鐵板燒。特別熱門嘅係會席料理「精選自助式午餐」。主菜可以選擇仙台名物牛舌，或採用仙台海鮮製作嘅料理。此外，仲可以享用仙台壽司、仙台蔬菜、甜品等自助吧。當然，用餐嘅同時可以俯瞰仙台市景，係得「一舞庵」先至可以飽覽到嘅絕景。
餐廳資訊
- 名稱: 一舞庵
- 地址: 宮城縣仙台市青葉區一番町1-9-1 威斯汀酒店仙台 37F
- 交通方式: 從JR仙台站步行約10分
SS30展望台附近嘅仙台青葉餃子名店：一番五郎
「一番五郎」係日頭供應味噌拉麵、夜晚供應餃子嘅專門店。日頭最受歡迎嘅餐單係「蔬菜滿滿嘅味噌拉麵」。採用仙台產嘅味噌製作嘅濃郁拉麵湯頭，完美配搭蔬菜同麵條。
夜晚供應多達十幾種餃子。其中最推薦「仙台青葉餃子」。將仙台特產「雪菜」嘅清汁揉入餃子皮中，餃子內餡亦使用咗仙台產嘅蔬菜。呢個健康、外觀獨特嘅餃子，只有喺仙台先至食得到。
餐廳資訊
- 名稱: 一番五郎
- 地址: 宮城縣仙台市青葉區一番町2-3-30
- 交通方式: 地下鐵東西線 青葉通一番町站步行約3分
Comments