為咗可以充分享受日本三景之一：宮城縣「松島」，建議可以喺酒店客房悠閒地欣賞一日之中，變化萬千嘅風景。今次小編就要為大家介紹三間位於海邊，可以睇到松島美景嘅酒店。
有一個7千坪大嘅水上庭園：松島一之坊
「松島一之坊」酒店內應有盡有，花園散步、玻璃美術館、岩浴等。除咗供應早餐、晚餐、貴賓室飲料，仲可以無限享用零食同甜品。係一間全包式酒店。所有房間都可以欣賞到7千坪大嘅水上庭園同松島灣絕景，同時亦係一個溫泉度假勝地，頂樓設有露天浴池。而大廳嘅「南三陸一番屋」商店中，販售各式各樣嘅紀念品，從松島・三陸到宮城・東北各地嘅美食土產應有盡有。
酒店資訊
- 名稱：松島一之坊
- 地址：宮城縣宮城郡松島町高城字濱1-4
- 交通方式：從JR松島站步行約15分鐘
- Wi-Fi：酒店全館提供Wi-Fi
- 各國語言對應：英文
- 可否使用信用卡：可以
松島嘅度假村酒店：松島大觀莊酒店
「松島大觀莊酒店」係一間度假酒店，周圍環繞著大海同翠綠，建於日本松島嘅高地上。位於海邊、寬敞嘅客房可以欣賞松島灣嘅絕景，於露天浴池享受開放嘅氛圍，度過奢華時刻。此外，酒店內嘅和、洋、中式自助餐亦非常受歡迎，使用當造蔬菜同宮城當地嘅新鮮海鮮。呢間酒店曾刊登於米芝蓮指南宮城特別版，喺呢度你絕對可以享受到最好嘅住宿體驗。
酒店資訊
- 名稱：松島大觀莊酒店
- 地址：宮城縣宮城郡松島町松島字犬田10-76
- 交通方式：從JR松島海岸站乘搭酒店接駁車約5分鐘
- Wi-Fi：櫃台、大廳、東館嘅客房提供Wi-Fi
- 各國語言對應：英文、中文・韓文
- 可否使用信用卡：可以
所有房間都有海景：海風土酒店
「松島溫泉元湯海風土酒店」係一間豪華酒店，獨享松島美景。酒店內26間客房均享有海景，可以選擇附露天浴池嘅日式客房，或亞洲風嘅西式客房。用餐方面，可以品嚐以松島・宮城嘅新鮮食材製成嘅豪華日本料理。酒店嘅其他設施：於水療中心享受臉部或腳步按摩。仲可以喺店鋪購買松島特產。
酒店資訊
- 名稱：松島溫泉元湯海風土酒店
- 地址：宮城縣宮城郡松島町松島東濱5-3
- 交通方式：從JR松島站步行約10分鐘 / 接駁巴士約5分鐘（需事前預約）
- Wi-Fi：酒店全館提供Wi-Fi
- 各國語言對應：英文
- 可否使用信用卡：可以
Comments