「富士急樂園」係一個好受歡迎嘅遊樂園，有被列入健力士世界紀錄嘅過山車，仲有日本最可怕嘅鬧鬼醫院鬼屋。樂園鄰近富士山，搭機動遊戲設施時，仲可以望到壯麗嘅富士山添。
關於富士急樂園
富士急樂園內有將近40種遊樂設施。自2018年實施免費入園以嚟，可以只玩有興趣嘅設施，仲可以喺園內享用美食同購物。
富士急樂園門票及開放時間
富士急樂園嘅門票有：一日通行券5,700円，下午通行券3,600円（下午先可以使用）。而你都可以揀個別設施付費，但如果想玩好多遊樂設施，都係建議買通行券比較抵。
此外，營業時間為平日9:00到17:00，週末和日本公眾假期9:00到18:00。營業時間可能因季節而異。請提前喺官方網站上查詢。
富士急樂園的特色
喺富士急樂園，你可以體驗世界第一嘅過山車、日本最大嘅空中韆鞦，世界上最長時間嘅鬼屋等，有好多世界一流嘅遊樂設施。另一方面，亦有適合親子嘅設施，例如摩天輪、旋轉木馬同空中韆鞦等等。
富士急樂園的4個過山車
「世界終極過山車DODODONPA」發動後，以1.56秒瞬間就達到最高時速180km/h。乘客可以體驗世界上最快嘅加速力。「Takabisha」擁有世界上最大嘅墜落角度121度，從頂部衝落嚟嘅感覺極度恐怖。超大型滾輪式過山車「Eejanaika」最大嘅特點就係喺過程中，座椅會有三種類型嘅旋轉。「FUJIYAMA」全長約兩公里，呢個「過山車之王」可以帶給你強烈刺激感連帶恐懼感。如果想徹底體驗刺激，應該四種過山車都要試玩！
富士急樂園醫院鬼屋
「最恐戰慄迷宮〜醫院病房的故事〜」係驚嚇度極高嘅鬼屋，排隊時可能會不停見到有人堅持唔到，中途放棄退出。主題係喺一間廢棄嘅醫院病房入面進行人體實驗。有好多「五感」嘅恐怖體驗，創造前所未有嘅恐懼經驗。
從東京出發前往富士急樂園
如果從東京前往富士急樂園，建議從新宿站出發。從新宿高速公路巴士總站出發，大約需1小時40分鐘。如果從新宿站搭火車，請喺JR大月站轉乘富士急行線，抵達富士急樂園大約需時2個鐘。
景點資訊
- 名稱: 富士急樂園 Fuji-Q Highland
- 地址: 山梨縣富士吉田市新西原5-6-1
- 交通方式: 從新宿高速巴士站搭乘巴士約1小時40分鐘
Comments