岐阜縣嘅奧飛驒溫泉鄉係有5個秘湯景點，有平湯溫泉、福地溫泉、新平湯溫泉、栃尾溫泉、新穂高溫泉。今次就同大家逐一探究呢5個秘湯。
平湯溫泉
平湯溫泉係飛驒溫泉鄉中最大嘅溫泉，位於飛驒山脈與乗鞍岳嘅北邊山腳，銜接岐阜縣與長野縣嘅隧道「安房隧道」，靠近岐阜縣一側位置都係平湯溫泉所在地，所以都唔止岐阜縣，係前往長野縣旅行嘅觀光客都會順道嚟享受一下，可以講係相當受歡迎嘅溫泉。聽講呢度都係飛驒溫泉鄉中歷史最悠久嘅一處，作為知名嘅「湯治場（療養溫泉）」而廣為人知。
景點資訊
- 景點名稱：平湯溫泉
- 交通方式：從JR「高山」站搭向新穗高方向嘅濃飛巴士，車程約1小時
福地溫泉
福地溫泉亦被選為日本百名湯，係坐落於寧靜山中嘅溫泉地。福地溫泉亦被稱為「天皇泉」，咁係因為喺平安時代，天皇曾經為咗療養而到此浸溫泉。溫泉街上亦有早市，可以買到當季盛產嘅食物與特產。
景點資訊
- 景點名稱：福地溫泉
- 交通方式：從JR「高山」站搭乘開新穗高方向嘅濃飛巴士，車程約70分鐘
新平湯溫泉
新平湯溫泉係以傳奇名水「Taruma水」同「Taruma公主」而聞名。係知名嘅結緣地，所以都好推薦情侶或夫妻一齊去旅行呀。去埋附近嘅「奧飛驒熊牧場」仲可以近距離同熊仔接觸添。
景點資訊
- 景點名稱：新平湯溫泉
- 交通方式：從JR「高山」站搭乘開新穗高方向嘅濃飛巴士，車程約75分鐘
栃尾溫泉
據說栃尾溫泉鄉內約20間住宿幾乎都係民宿，係一處寧靜嘅溫泉勝地。呢度提供混浴同露天溫泉，好推薦家庭同情侶、或夫妻嚟旅行啊。
景點資訊
- 景點名稱：栃尾溫泉
- 交通方式：從JR「高山」站搭乘開新穗高方向嘅濃飛巴士，車程約80分鐘
新穂高溫泉
新穗高溫泉係奧飛驒溫泉鄉中最入嘅溫泉勝地，亦有穗高群峰嘅登山基地。呢度好出名嘅「新穗高纜車」亦係日本國內唯一有兩層嘅纜車，可以眺望北阿爾卑斯山嘅美麗景色。
景點資訊
- 景點名稱：新穗高溫泉
- 交通方式：從JR「高山」站搭乘開新穗高方向嘅濃飛巴士，車程約90分鐘
如何從高山市前往奥飛驒溫泉鄉
從JR「高山」站可以乘搭濃飛巴士，約70～90分鐘就會抵達奧飛驒溫泉鄉各地。巴士1小時約1班，車資單程大約1,500円至2,000円。
Comments