宮城縣酒店4選

宮城縣嘅仙台、松島、藏王，每個地方都有酒店、旅館。小編今次嚴選咗4間酒店俾大家參考。

仙台唯一嘅花園度假酒店：仙台皇家公園酒店

呢個係一間坐落於仙台市郊區嘅花園型度假酒店。喺寬敞嘅花園中，有豐富多樣嘅娛樂設施，可以從事多項活動，例如瑜伽、啤酒花園、觀賞星空、Café等。現代典雅嘅客房全部設有露台。喺呢度仲可以喺花園餐廳「Chef's Terrace」享用自助式早餐。另外仲有兩間餐廳，可以品嚐使用來自東北各地嘅新鮮蔬菜所製作嘅中式鐵板燒。

酒店資訊

• 名稱：仙台皇家公園酒店
• 地址：宮城縣仙台市泉區寺岡6-2-1
• 交通方式：從JR仙台站東口乘搭免費接駁巴士約50分鐘；地下鐵泉中央站乘搭免費接駁車約20分鐘
• Wi-Fi：酒店全館提供免費Wi-Fi
• 各國語言對應：英文、中文。客房嘅電視畫面提供多語言服務（提供酒店・附近觀光情報）
• 可否使用信用卡：OK

好近仙台車站嘅酒店：Richmond Hotel Premier仙台站前

「Richmond Hotel Premier仙台站前」距離仙台車站只係3分鐘步行路程。明亮嘅客房以白色為基調。客房裝潢簡約，有一張寬120厘米以上嘅床，可以享受舒適嘅睡眠。酒店內設有高級休閒室，提供免費早餐，可以食到新鮮出爐嘅麵包。另外，下午仲可以享用免費飲品同雪糕。

酒店資訊

• 名稱：Richmond Hotel Premier仙台站前 (Richmond Hotel Premier Sendai Ekimae)
• 地址：宮城縣仙台市青葉區中央2-1-1仙台東寶大樓5F
• 交通方式：從JR仙台站步行約3分鐘
• Wi-Fi：酒店全館提供免費Wi-Fi
• 各國語言對應：英文
• 可否使用信用卡：OK

可以睇到日本三景之一「松島」：松島佐勘 松庵

「松島佐勘 松庵」佇立於日本三景・松島嘅山谷間，係一個猶如「大人風格隱藏家」嘅日式旅館。占地大約3,000坪，淨係得11間客房。所有客房都可以俯瞰日本三景之一嘅「松島」。部分客房設有露天溫泉，浸溫泉嘅同時可以一邊欣賞松島嘅山與海。另外，仲可以喺客房內品嚐，使用三陸海岸嘅新鮮海鮮及宮城縣嘅蔬菜所製作嘅正宗懷石料理。

酒店資訊

• 名稱: 松島佐勘 松庵
• 地址: 宮城縣宮城郡松島町手樽字梅木1番地
• 交通方式: 從JR松島站搭乘接駁巴士約15分鐘(需事先予約)
• Wi-Fi：酒店全館提供免費Wi-Fi
• 各國語言對應：英文
• 可否使用信用卡：OK

宮城藏王活動度假村（DAIWA ROYAL HOTEL）

宮城藏王活動度假村係一間度假酒店，可以俯瞰壯麗嘅藏王連峰。酒店周圍有健行、划獨木舟同滑雪等地方，可以喺入住期間同朋友以及家人一齊玩。另外，酒店有三間餐廳，可以喺自助式餐廳品嚐使用宮城縣新鮮食材所製作嘅料理，仲有居酒屋同圍爐裏燒(いろり焼)料理。

酒店資訊

• 名稱：宮城藏王活動度假村（DAIWA ROYAL HOTEL）
• 地址：宮城縣刈田郡蔵王町遠刈田溫泉字鬼石原1-1
• 交通方式：從JR仙台站乘搭高速巴士約1小時15分鐘
• Wi-Fi：酒店全館提供免費Wi-Fi
• 各國語言對應：英文
• 可否使用信用卡：OK