去山梨縣嘅昇仙峽旅遊，可以揀住喺甲府車站周邊或湯村溫泉鄉嘅旅館酒店係最方便嘅。而要前往昇仙峽，就必須搭從甲府站開出、經由湯村溫泉嘅巴士。呢次要介紹4間精選嘅酒。
甲府站附近的飯店
首先介紹甲府車站附近嘅酒店，以及甲府站附近嘅「國母站」嘅酒店。
位於甲府站附近、130年歷史嘅酒店：談露館飯店
「談露館飯店」係一間有超過130年歷史嘅老舖旅館。距離甲府站步行約8分鐘。至今仍然保留最初日式旅館部分面貌。有和室同洋室，兩種風格嘅房間都好寬敞，木頭嘅質感使得空間充滿溫暖氣氛。另外，附帶露天浴池嘅和室同大型浴場可以享受天然溫泉。如有需要，可以加購晚餐或早餐，品嚐採用山梨縣食材製作嘅日式或西式料理。
飯店資訊
名稱：談露館飯店 (ホテル談露館)
- 地址：山梨縣甲府市丸の内1-19-16
- 交通方式：從甲府站步行約8分鐘
HOTEL1-2-3 甲府・信玄溫泉
「HOTEL1-2-3 甲府・信玄溫泉」係一間經濟型酒店，擁有自己嘅天然溫泉浴池。客房雖然簡單又迷你，但有超級120米寬嘅床，讓人享有舒適住宿體驗。另外，酒店內有一家名為「甲斐路」嘅餐廳，喺夜晚可以食到採用山梨縣當地食材製作嘅日式定食、烏冬同蕎麥麵。而朝早則供應麵包、咖哩、熟食等自助式早餐。
飯店資訊
名稱：HOTEL1-2-3 甲府・信玄溫泉 (ホテル1-2-3甲府・信玄温泉)
- 地址：山梨縣甲府市國母8-1-1
- 交通方式：從國母站步行約15分鐘
昇仙峽附近溫泉鄉的旅館
喺甲府站同昇仙峽之間，有一個名為「湯村溫泉郷」嘅溫泉鄉，有十幾間以上嘅旅館，雖然唔係一個好繁榮嘅旅遊地方，但係一個具有1200年以上悠久歷史嘅溫泉鄉。以下為你介紹幾間推薦嘅旅館。
擁有寬廣日式庭園的「常磐飯店」
常磐飯店擁有佔地約1公頃嘅寬廣日本庭園。可以喺以松樹為基調嘅雅緻庭園中散步。此外，圍繞庭園建造嘅東西館客房，可以欣賞到富士山同南阿爾卑斯山嘅壯麗景色。仲有附帶露天浴池嘅純日式、經典西式客房。附帶露天浴池嘅客房特別熱門，因為可以獨享溫泉同庭園景觀。
飯店資訊
名稱：常磐飯店 (常磐ホテル)
- 地址：山梨縣甲府市湯村2-5-21
- 交通方式：湯村溫泉入口巴士站步行約1分鐘
擁有私人溫泉的「柳屋」
「柳屋」係一間有私人溫泉、溫韾舒適嘅溫泉旅館。私人溫泉採預約制，只有週末同公眾假期前一日可以使用。圍繞著日式庭園嘅客房都係和室，部分客房設有私人專用露天浴池。每間客房都可以欣賞庭園同湯村山嘅景觀。此外，採用豐富山梨縣當季食材製作嘅會席料理，都可以透過預約喺房間內用餐。
飯店資訊
名稱：柳屋
- 地址：山梨縣甲府市湯村3-16-2
- 交通方式：湯村溫泉入口巴士站步行約5分鐘
Comments