嚟到岐阜縣旅行必去景點大公開！

岐阜縣有城堡、自然景色，仲有好多濃厚和風嘅景觀。如果你想親身去睇岐阜縣美麗嘅景色，就一定要將呢篇文章收藏起嚟！

嚟岐阜縣旅行推薦你一定要去嘅景點

岐阜縣嘅地理位置幾乎係日本嘅正中心，有好多可以欣賞到日本壯麗景色嘅景點，加上飲食文化都相當豐富，亦有世界遺產。有機會嚟到日本，就請一定要去以下推薦嘅景點喇。

岐阜城係「日本百名城」之一，附近仲有列為「日本名水百選」嘅長良川。正面有海拔1377米嘅「日本百名山」伊吹山。嚟到岐阜城，可一次欣賞3處日本嘅名勝。

景點名稱：岐阜城
地址：岐阜縣岐阜市金華山天守閣18番地
交通方式：從JR「岐阜」站或是名鐵「岐阜」站，轉搭N系統（長良橋方面）及市內環線左環線嘅巴士。在「岐阜公園歷史博物館前」站下車後步行3分鐘到岐阜公園，搭乘設置在公園內嘅金華山登山纜車後步行8分鐘

「莫內之池」原本係一個無名池塘，因被稱為「美麗過頭的地方」，而喺社交網站上掀起熱烈討論。池塘嘅高透明度，令睡蓮美麗綻放，就好似莫內嘅畫作《睡蓮》咁，因而得名。

景點名稱：莫內之池
地址：岐阜縣關市板取上瀨1643-17
交通方式：從JR「岐阜」站轉搭巴士岐阜板取線喺「ほらどキウイプラザ（洞戶Kiwi Plaza）」下車，再轉搭板取ふれあい巴士（板取社區巴士）於「あじさい園前（紫陽花園前）」下車

白川鄉喺1995年被列為聯合國教科文組織（UNESCO）嘅世界文化遺產，「合掌造」嘅傳統建築聚落同喺聚落內生活嘅居民等，可以欣賞到充滿日本風情嘅景觀。夏天時綠意盎然群花盛開，景色相當美麗；喺冬天則可以睇到被厚厚白雪覆蓋嘅雪景，令成個聚落充滿夢幻嘅氣氛。

如果嚟到岐阜縣，飛驒牛係你一定要品嚐嘅美食！

喺高山市嘅「飛驒Kotte牛」，係可以品嚐到飛驒牛嘅餐廳。飛驒牛喺日本係相當高級嘅品牌牛，而使用呢個高級牛肉，製成日本傳統料理嘅手握壽司「飛驒牛握壽司」，簡直堪稱絕品！係你嚟到岐阜縣唔可以錯過嘅美食！

如果係從成田機場前往嘅話，可乘搭成田特快（N'EX）等前往「品川」站。再從「品川」站轉搭JR東海道新幹線抵達「名古屋」站，再轉搭JR東海道本線到「岐阜」站。

依照你嘅行程，從「名古屋」站或「岐阜」站搭巴士都係選擇之一。

想直接去岐阜縣觀光嘅話，推薦你先飛到「中部國際機場」。因為呢個係距離岐阜縣最近嘅國際機場。