熊本嘅阿蘇係一個可以享受豐富大自然嘅地方，有「火之國」熊本縣嘅象徵－世界上最大破火山口嘅活火山「阿蘇山」。阿蘇有好多餐廳可以食到以清新空氣同水所孕育出嘅食材。以下將為你介紹幾間推介嘅美食餐廳。
阿蘇山周邊嘅餐廳提供當地特色美食
阿蘇有好多特色美食，其中之一嘅「赤牛」全身無多餘嘅脂肪，可以實際感受到紅肉嘅鮮味。另外，仲有熊本代表性鄉土料理嘅「高菜飯」，同「麵疙瘩湯」(だご汁)：將麵粉搓揉成薄片，同大量根莖類蔬菜一齊煮製而成，美味營養又有飽足感，成為農務時期農民們喜愛嘅料理。此外，牛奶同天然水、仲有用天然水製成嘅豆腐、蕎麥麵同地酒都係名產。去阿蘇旅遊時，推薦你一定要去呢啲提供本地特色美食嘅餐廳試試呀。
大受好評嘅阿蘇名物・赤牛丼飯「IMAKIN食堂」
「IMAKIN食堂」係一間創業百年以上嘅餐廳。店內超受歡迎嘅「赤牛丼飯」令好多食客遠赴而來。米飯上面放著奢侈嘅半熟燒赤牛肉切片，肉質鮮嫩柔軟，再打隻半熟溫泉蛋，簡直超級美味。
因為呢間餐廳非常受歡迎，用餐人潮經常大排長龍。建議先去餐廳領號碼牌，之後可以利用等候嘅時間去周邊觀光。 呢個係一間無論排幾耐都想食到嘅店。
餐廳資訊
- 名稱：IMAKIN食堂 (いまきん食堂)
- 地址：熊本縣阿蘇市内牧290
- 交通方式：
- 從JR豐肥本線內牧站乘搭巴士約8分鐘，於内牧下車即達
- 從JR豐肥本線阿蘇站乘搭巴士約17分鐘，於内牧下車即達
道地嘅阿蘇美味！可以食到麵疙瘩湯同阿蘇醃高菜嘅餐廳「山賊旅路」
「山賊旅路」係阿蘇一間老舖餐廳，可以品嘗高菜飯、麵疙瘩湯等道地嘅阿蘇鄉土料理。「高菜飯」係將自家製嘅無化學添加大芥醬菜同飯撈埋一齊嘅料理。以天然湧水種植嘅有機栽培米同高菜都係自家種植嘅。而麵疙瘩湯使用嘅味噌同製作麵疙瘩嘅小麥粉都係當地產嘅。另外有好多阿蘇當地特色料理，好似黑豬嘅「燉煮內臟」或「內臟燒烤」都係絕品！
餐廳資訊
- 名稱：山賊旅路
- 地址：熊本縣阿蘇市黑川2127
- 交通方式：從阿蘇站步行約20分鐘
由阿蘇名產「赤牛」飼養農家自己經營的「農家れすとらん 田子山」
「農家れすとらん 田子山」是一家古民家建築改成的餐廳，由飼養阿蘇赤牛的一個農家直接經營。除了肉類，米和蔬菜等也都是自家栽培，可以品嚐到阿蘇特有的食材。
店內最受歡迎嘅係赤牛燒肉料理。可以品嚐到含有適度脂肪嘅上等紅肉，呢個係喺赤牛農家自營嘅餐廳獨有嘅美味。另外，用赤牛製作嘅自家製火腿同香腸都是絕品！
餐廳資訊
- 名稱：農家れすとらん 田子山
- 地址：熊本縣阿蘇市三久保285
- 交通方式：
- 從JR阿蘇站乘車約15分鐘；從JR內牧站乘車約10分鐘。
- 從JR內牧站搭乘開往「内牧」或「阿蘇站前」方向嘅九州產交巴士(大約1小時一班車)，車程約6分鐘，於「駄原」停留所下車後步行6分鐘即達。
用阿蘇山嘅湧水製作嘅和風甜點－白玉糰子之店「結」
阿蘇神社附近嘅一家和風甜點店－白玉糰子之店「結」(かんざらしの店 結)，位於昔日女子學校改建而成嘅地方，除咗呢間店仲有咖啡店同雜貨店等。店家巧妙地利用流經此地嘅開運湧泉「龍命泉」嚟煮白玉糰子。
除咗白玉糰子，仲有加入西洋菜嘅綠色糰子。糰子可以沾蜂蜜或黑糖嚟食，係呢度先食到嘅美味！
店家資訊
- 名稱：かんざらしの店 結 (Kanzarashiの店 結)
- 地址：熊本縣阿蘇市一の宮町宮地3204
- 交通方式：從宮地站搭計程車約5分鐘
Comments