發現熊本天草地區嘅魅力！大自然、美食、潛伏基督徒相關遺產

熊本嘅天草，係由好多個小島所組成嘅群島，擁有豐富嘅大自然。溫暖嘅海水形成咗豐富嘅漁場，係食物嘅寶庫。另外，天草仲被登錄為世界文化遺產嘅「潛伏基督徒相關遺產」。作為潛伏基督徒象徵嘅天草，亦係「天草四郎」嘅故鄉。

天草嘅看點

天草係一個有山有海、空氣清新嘅美麗群島。喺天草嘅海域中可以巡航同釣魚。另外，一年四季都好大機會可以欣賞到野生海豚，係最受歡迎嘅活動。亦非常推薦高台嘅景色，可以俯瞰天草嘅山海絕景。尤其係傍晚嘅海洋，被夕陽染成橙色嘅島嶼景色係不容錯過嘅美景。

江戶時代，基督教喺日本遭受鎮壓。喺熊本縣嘅天草市，基督徒繼續秘密維持自己嘅信仰，留下好多現今被登錄為世界遺產嘅「潛伏基督徒相關遺產」。天草嘅﨑津集落係12個相關遺址之一。

基督教解禁後，基督徒曾經被壓迫嘅地方重建成教堂留存至今。歷史嘅沉重與天草嘅美景互相襯托。另外，亦推薦參觀展示基督教歷史嘅博物館。

天草四郎係日本江戶時代九州導原之亂嘅著名英雄領袖，作為3萬7千人嘅將軍首領，與幕府作戰。天草四郎代表遭受壓迫嘅人民。天草作為天草四郎嘅故鄉，有一個主題館傳達佢嘅真實形象，以及同佢一齊戰鬥嘅民眾嘅思想。呢度就係天草四郎嘅出發點。

天草係一個海鮮嘅寶庫，有多間餐廳提供新鮮美味嘅料理。另外，仲吸引好多人專登飛過嚟品嚐壽司名店。天草嘅名物唔單止有海鮮，仲有被稱為「幻之地雞」嘅品牌雞肉「天草大王」、「天草黑毛和牛」，好多餐廳可以食到使用新鮮蔬菜等食材製作嘅料理。無論你鐘意海鮮定係肉類，天草嘅餐廳豐富又多樣嘅餐單肯定可以滿足到你。

天草有好多住宿設施。其中有多間可以欣賞美景、品味美味料理，充滿個性特色嘅酒店。另外，仲有好多經濟實惠嘅民宿，充滿家庭嘅溫馨氛圍。可以根據自己喺天草嘅旅遊方式同預算嚟揀選住宿類型。

天草機場位於天草諸島中心位置嘅天草下島高台。由天草航空同日本航空公司提供服務，從福岡機場同熊本機場有直飛航班。可以從天草機場乘坐巴士或的士前往目的地，如果巴士時間趕唔上，搭船都係另一種選擇。