日本唯一留存落嚟嘅郡代行政官府：高山陣屋

高山陣屋始建於江戶時代，係日本目前唯一留存落嚟嘅地方行政官府。高山陣屋位於岐阜縣高山市嘅東北地區，係高山必訪嘅景點。可以嚟感受一下江戶時代政府辦公廳舍嘅樣貌以及生活模式。

關於高山陣屋

高山陣屋原本係一個武士住宅，但喺1692年成為江戶幕府辦公嘅地方。大部分建築仍然保留江戶時代嘅樣式，但開放參觀嘅主要建築於1996年進行整修。高山陣屋係一個珍貴嘅文化財產，榮獲2014年「米芝蓮日本綠色指南」兩星評價。

參觀高山陣屋，可以一窺江戶時代郡代同地方官員嘅生活，同埋當時木匠精湛嘅工藝。進入雄偉嘅大門之後，可以睇大廳、廚房、茶室等房間。屋內展示當時人民生活使用嘅工具，了解到先人嘅智慧。喺高山陣屋內，可以發現好多兔仔造型嘅釘隱，喺日本，兔仔有幸福嘅含義。

高山陣屋最大嘅特色係兩座收租納糧嘅大糧倉，於1695年從高山城移築過嚟，當時以米作為稅收支付。大糧倉建造於江戶時代早期，至今仍保留當時嘅建築樣貌，亦係當時全國最大嘅糧倉。現今開放大眾進入內部參觀，可以一睹當時原汁原味嘅建築樣貌。

高山陣屋嘅開放時間為上午08:45至下午17:00。閉館時間因季節而異，出發之前一定要check吓官網。休館日為12月29日・31日・1月1日。

高山陣屋參觀門票成人為430円。喺窗口購票嗰陣，可以索取免費嘅英語導覽手冊。設有導覽團，一次大約需30到40分鐘。如果想喺無導覽嘅情況下自行參觀，建議時間預約一個鐘。

高山陣屋前朝市位於高山陣屋前嘅空地上，係日本三大早市之一。每日朝早從6點至12點開放。販售當地居民自家栽培嘅蔬菜、味噌、漬物、水果、鮮花、手工藝品等。如果去高山陣屋參觀，就唔好錯過呢個有趣嘅早市啦！

從高山站乗鞍口（東口）或高山站前嘅「高山濃飛バスセンター」行15分鐘即達。或從高山站前嘅「高山濃飛バスセンター」搭左回路線周遊巴士まちなみバス（左回り）約8分鐘即達，單程車票100円。