熊本係九州地區受歡迎嘅旅遊目的地。係一個觀光資源豐富嘅地域，有熊本城、阿蘇山、溫泉等，各種富魅力嘅景點。
關於熊本
熊本嘅旅遊資源豐富，同世界少見嘅活火山「阿蘇山」關係密切。從呢個活火山而生嘅豐富群山同草原，係熊本先至有嘅景觀。
另外，因過去嘅阿蘇山火山噴發出現嘅湧泉，亦係熊本嘅特色。熊本縣內嘅地下水湧泉多達1,000幾個地方，支撐熊本豐富嘅飲食文化同溫泉文化。
熊本嘅旅遊看點
熊本有3個旅遊區特別熱門。第一個係熊本市內。歷史景點多，熊本城、城下町、大名庭園等都係遊客絡繹不絕嘅地方。另外一個係阿蘇・黑川區域，以雄偉嘅大自然為特色，有阿蘇山・白川水源等自然資源、阿蘇內牧溫泉・黑川溫泉等知名景點。最後一個係天草地區，其「潛伏天主教關聯遺產」被登錄為世界文化遺產，可以參觀和洋融合嘅街景。
熊本嘅美食
熊本嘅代表美食係「馬肉料理」。特別係「馬肉刺身」、「馬肉鍋」最受歡迎。仲有熊本縣原創嘅中華料理「太平燕」都係名物之一，係一道使用粉絲（春雨）製作嘅健康料理，係嚟到熊本必食嘅美食。另外仲有辣味蓮藕（辛子蓮根）、天草近海出產嘅蠔、當地原創嘅「熊本拉麵」，以及最適合飯後甜品嘅嚇一跳糰子「いきなり団子」等，各種各樣嘅料理。
此外，仲可以品嚐一下配搭熊本美食嘅「地方酒」。使用熊本清澈嘅水釀造而成嘅日本酒同燒酎，具有格外芳醇嘅香味。
熊本嘅酒店
熊本嘅酒店集中喺熊本市內以及阿蘇、黑川、天草等溫泉區。如果想徹底玩轉熊本，選擇熊本市內嘅住宿作為起點比較方便。從經濟型到豪華型，各種價位嘅酒店任君選擇。
另一方面，如果想浸溫泉，體驗喺熊本嘅大自然中住宿，推薦選擇位於溫泉鄉嘅旅館。
前往熊本機場
從東京、大阪可以輕鬆前往熊本機場（阿蘇熊本機場）。飛行時間，從羽田機場約需1小時40分鐘、從大阪國際機場約需1小時10分鐘。
另外，從大阪出發前往熊本，乘搭新幹線都相當方便。如果從新大阪站乘搭JR山陽新幹線，到熊本站約3小時30分鐘。
相關資訊
- 名稱：熊本機場（阿蘇熊本機場）
- 地址：熊本縣上益城郡益城町
- 交通方式：從羽田機場出發約需1小時40分嘅飛行時間；從關西國際機場出發約需1小時10分嘅飛行時間
Comments