水俣：一個重新打造成旅遊勝地嘅小鎮

水俣係九州熊本縣最南端嘅城市。1956年左右於熊本縣水俁市附近發生水俣病公害，1957 年開始以發病地名作為假稱「水俣病」。目前水俣市持續致力於環境發展，已經重建為一個自然豐富且安全嘅旅遊地。

關於水俣市

被山海環抱嘅水俣，係一個自然環境豐富嘅小鎮。喺市區可以參觀歷史古蹟、喺山區可以體驗自然休閒運動。此外，海岸沿岸有好多歷史悠久嘅天然溫泉。使用水俣豐富嘅自然資源中孕育而生嘅新鮮海味，同山上採摘嘅食材製作嘅料理，請一定要嚟嘗試一下。

水俣觀光嘅最大特色係可以體驗好多自然休閒運動。例如，獨木舟、瀑布健行、浮潛、潛水同釣魚。此外，展望台、公園、山上可以睇到海、瀑布、季節性鮮花，清新綠油油的景色等，都係嚟水俣旅遊值得一睇嘅景色。

水俣有三大著名美食：水俣什錦麵 (水俣ちゃんぽん)、魩仔魚丼飯 (水俣しらす丼)、水俣甜品。其中以「水俣什錦麵」最受歡迎。加入大量水俣産嘅海鮮及蔬菜製作嘅麵料理，海鮮入味嘅湯底、粗麵條與蔬菜嘅完美配搭。

水俣有十幾間酒店。多數係小型旅館同擁有居家氛圍嘅住宿。另外，水俣有「湯之兒」及「湯之鶴」兩個溫泉度假村。如果想欣賞海景，可以選擇位於「湯之兒」溫泉嘅旅館；如果想喺山上安靜放鬆，可以住喺「湯之鶴」溫泉嘅旅館。除此之外，如果想住喺城市嘅酒店，雖然選擇性比較少，但都有一啲經濟型酒店。

水俣觀光嘅出發點係「水俣站」。從熊本機場或鹿兒島機場出發都好方便。從熊本機場乘搭巴士、新幹線或普通列車，約需1小時40分鐘。從鹿兒島機場乘搭巴士約需2小時。但最好提前check好時間表，因為呢兩條路線嘅巴士及電車班次都唔係好多。