山梨：富士之國

山梨縣擁有日本第一山「富士山」。從東京乘搭電車約一至兩個鐘，群山環繞之下，自然觀光景點眾多。而且山梨觀光勝地嘅特徵為溫泉鄉，酒店設施大部分都係旅館。

關於山梨

山梨嘅觀光區大致分為六個區域。其中，最推薦大家去嘅地區有，富士山與富士山山腳一帶稱為「富士山、富士山五湖地區」、擁有豐富史蹟嘅「甲府、昇仙峽地區」，溫泉鄉以及種植一片廣闊嘅葡萄田「石和、勝沼地區」。

山梨縣縣內坐落各種自然觀光景點。重頭戲當然就係「富士山」啦。另外，仲有富士山山腳下嘅五個湖泊「富士五湖」，日本第一溪谷美稱嘅「昇仙峽」，擁有好多豐碩廣闊葡萄田嘅「勝沼」，以及高原渡假勝地嘅「清里」等等，都令人流連忘返。

而且，位於山梨中心嘅甲府有幾個歷史景點，例如「武田神社」祭祀16世紀統治呢個地方嘅武將「武田信玄」，以及「甲府城跡」都非常聞名。

最具代表性嘅山梨嘅當地美食係「餺飥麵（ほうとう）」。喺煲內加入南瓜、香菇等各種蔬菜同麵一齊加入味噌熬煮嘅火鍋「南瓜餺飥麵」更係大受歡迎。其他仲有用鹹甜醬油魯雞肝等內臟熬煮嘅「鶏もつ煮」更為美味。另外，山梨經典手信「信玄餅」更加係唔可以錯過，喺黃豆粉麻糬上面淋上黑糖蜜，滲透傳統日式和風嘅滋味。

山梨縣盛產提子同桃，產量都係全國數一數二。特別係葡萄產地勝沼地區嘅葡萄酒酒廠繁榮發展，係世界品牌之一「甲州葡萄酒」嘅原產地。

山梨縣縣內大大小小嘅酒店設施約有3,000間。多數位於甲府站附近一帶，以及鄰近甲府市嘅石和勝沼地區、清里小淵澤地區、以及富士五湖地區。整體上嚟講，多為日式旅館及經濟型酒店，全方面服務型態嘅都市型旅館偏少。

山梨知名觀光景點多數在於甲府同河口湖。例如，從東京前往甲府、河口湖，可以從新宿站乘搭JR中央本線嘅特急電車。抵達甲府站無需轉車，交通時間約一個半鐘。另一方面，往河口湖方向，中途喺大月站轉搭富士急行線，所需時間約兩個鐘。