日本宮城縣三陸海岸嘅田代島，係一個貓貓比人仲多嘅島嶼。 踏上島嶼，將會遇到各種各樣嘅貓。島上仲有一啲同貓貓有關嘅旅遊景點。 仲唔快啲跟住小編一齊嚟探訪呢個貓奴必去嘅「田代島」啦！
關於三陸嘅田代島
從宮城縣JR石卷站搭船約45分鐘即可到達田代島。島上嘅貓貓被當地居民視為漁業嘅守護神，備受愛護同尊重。島上有100隻以上嘅貓，田代島甚至被稱為「貓島」。前往田代島旅遊要注意嘅係，為咗貓貓嘅健康著想，島上禁止隨意餵食貓隻。
三陸田代島有邊啲好玩嘅呢？
田代島嘅貓貓
遊客可以喺島上各個地方，例如喺路上同草地上發現貓貓嘅蹤影。然而，貓貓出沒嘅區域要數島嶼東南部嘅仁斗田區域。喺村莊嘅小巷同屋簷上都可以發現到貓貓嘅存在。另外，好多貓貓棲息喺島嶼東北部嘅大泊地區。同仁斗田區相比，大泊區嘅遊客較少，因此可以比較輕鬆咁觀察貓貓。
貓神社
喺島嘅正中央有一座「貓神社」，供奉著呢度嘅漁業守護神－「貓神」。喺神社周圍放置咗大量嘅貓貓小雕像。貓神社係以貓為主題嘅能量景點。
相關資訊
- 名稱：貓神社
- 地址：宮城縣石卷市田代濱
- 交通方式：從仁斗田村步行約30分鐘；從大泊村步行約15分鐘
Manga Island
田代島利用漫畫進行島嶼復興。島上有兩間由漫畫家千葉哲也以及里中滿智子設計嘅貓貓形狀漫畫小屋。小屋入面展示貓貓嘅圖畫。
相關資訊
- 名稱：Manga Island
- 地址：宮城縣石卷市田代濱敷島24
- 交通方式：從仁斗田村步行約10分鐘
三陸田代島嘅美食餐廳
田代島 Olive Café
Olive Cafe嘅料理使用宮城縣嘅食材。你可以喺田代島食到宮城和牛牛排同炭燒海鮮等。午餐時段會供應意粉。呢間餐廳係深受觀光客喜愛嘅人氣餐廳。
相關資訊
- 名稱：田代島 Olive Café
- 地址：宮城縣石卷市田代濱仁斗田89
- 交通方式： 從仁斗田港步行10分鐘
三陸田代島嘅酒店
田代島度假村Marine Life
度假村內嘅所有客房都可以睇到大海。另外，度假村內仲有餵食貓貓嘅地方。每日都有好多貓貓嚟到度假村等開飯。住宿旅客可以睇到佢哋食嘢嘅得意樣。
相關資訊
- 名稱：田代島度假村Marine Life (Petit Resort Marine Life)
- 地址： 宮城縣石卷市田代濱仁斗田38
- 交通方式：從仁斗田港步行5分鐘
交通方式
從東京出發
從東京站乘搭東北新幹線到仙台站。喺仙台站轉乘JR東北本線，於石卷站落車。亦可以從仙台站乘搭巴士，於石卷站落車。
再從石卷站乘搭宮古巴士到石卷港。從碼頭搭船約45分鐘即可抵達田代島。
Comments