清水寺為京都具代表性嘅寺院之一。位於東山群蜂其一之音羽山山腰地置，以懸造式嘅建築而聞名，全年吸引眾多遊客前往造訪參觀。以下向你介紹清水寺有咩睇頭，有咩咁吸引啦～
清水寺的歷史
擁有超過1,200年歷史，為平安京遷都之前已經存在嘅少數古寺之一。受到多次嘅火災燒毀，寺內多個建築物依照江戶時代嘅原貌重建而成。
昔日的清水寺
清水寺嘅起源可以追溯至寶龜9年（778）。僧人賢心於夢中被委託「前往北方尋找清泉」，因而出發去音羽山中湧出清水嘅瀑布（音羽之瀧）。據聞佢喺嗰度遇見仙人，同佢講「以呢棵靈木雕塑千手觀音像，守護呢片土地」。呢個就係清水寺起源嘅傳說。
於延曆17年（789），坂上田村麻呂為咗要放置十一座千手觀音菩薩像而興建寺院。「音羽之瀧」所湧出嘅清水為「清水寺」名稱嘅由來。其後，寺院經過10次以上火災，大部分建築物遭受摧毀。於寬永10年（1633），由德川家康重建而成。於1994年被登錄為世界文化遺產。
今時今日嘅清水寺
位於音羽山（清水山）嘅清水寺，佔地約13萬平方米。擁有懸造式建造嘅本堂、國內最大型嘅三重塔、鐘樓等各種寺院建築物。擺放喺本堂嘅千眼千手觀世音菩薩立像，擁有三十三面唔同嘅姿態，救渡眾生。係一尊每隔33年先對外開放一次嘅神秘佛像，下次開放時期預定為2033年。
本堂前方嘅懸空平台為一大睇頭。以約410塊檜木板鋪成，總面積約190平方米，懸崖而下嘅平台高約13米。本堂建於陡峭嘅音羽山懸崖，以日本自古以來嘅傳統工法「懸造」建築而成，由18枝欅木柱支撐。其結構巧妙，無使用任何一根釘子興建。本來係向神明獻奉歌舞及能樂等傳統藝能表演嘅舞台。從舞台望出去可以眺望京都街道，吸引眾多遊客前往造訪及參觀。
感受清水寺之泉
清水寺內嘅瀑布「音羽之瀧」流出三道清泉，被稱為「黃金水、延命水」。據聞飲下泉水可以祈求實現願望，但只可以選一道泉水嚟飲，如果唔係許下嘅願望就唔會靈。
清水寺嘅開放時間
參拜時間根據時期有所不同。9月1日至6月30日開始時間為06:00～18:00（4月8日至6月30日嘅星期六、日及日本公眾假期嘅開放時間延長至18:30）。
於「秋之夜間特別參拜」（11月16日至12月1日）、「東山花燈路贊助 春之夜間特別參拜」（3月8日至3月17日）、「春之夜間特別參拜」（3月29日至4月7日）設有夜間特別參拜，從18:00開始，直到21:00都可以進行參拜。
另外，7月1日至8月31日嘅開放時間為06:00～18:30，其中於8月14日至8月16日因舉行「千日詣 夏之夜間特別參拜」，所以18:30至21:00可以進行夜間參拜。
去清水寺嘅交通資訊
從金閣寺行約5分鐘就有京都市巴士嘅金閣寺道巴士站，乘搭京都市巴士204系統（往北大路巴士總站方向），車程約29分鐘，喺熊野神社前站落車。之後再轉車搭京都市巴士206系統（往京都站方向），約12分後喺清水道站落車，行約11分鐘就到清水寺。
景點資訊
- 景點名稱：清水寺
- 地址：〒605-0862 京都府立都市東山區清水1丁目294
- 交通方式： 京阪電鐵清水五條站步行約25分鐘
Comments