鳴子峽概要
鳴子峡係位於宮城縣大崎市嘅溪谷。喺秋天係個可以睇到好多葉子染紅嘅樹林，係個知名嘅賞楓景點。可以感受日本嘅大自然風情，有著相當美麗嘅景色，無論係咩季節都好適合造訪呢個景點。
鳴子峽嘅必睇景點
鳴子峽大自然嘅景點相當多，附近仲有一條溫泉街。非常推薦俾想好好享受日本美麗大自然嘅遊客。
鳴子峽嘅大溪谷
嚟到鳴子峽一定要去造訪嘅地方就係大溪谷喇。到咗秋天會呈現染紅一整片嘅美景。走上大深澤遊步道上，可以享受豐富嘅大自然景色。春天嘅新綠、夏天綠意盎然，冬天嘅雪景都別有一番風味啊。
景點資訊
- 景點名稱：鳴子峽
- 地址：宮城縣大崎市鳴子溫泉星沼
- 交通方式：從鳴子溫泉站開車約6分鐘
白糸瀑布
白糸瀑布一直延伸到川渡大橋起1公里處嘅河川。係夏天相當適合避暑嘅地方。喺呢度附近，有歷史悠久嘅神社同溫泉湧出。
景點資訊
- 景點名稱：白糸瀑布
- 地址：宮城縣大崎市鳴子溫泉坂之上104
- 交通方式：從鳴子溫泉站開車約20分鐘
鳴子峽附近嘅餐廳
鳴子峽有豐富嘅大自然食材，喺大自然中孕育出嚟嘅蔬菜與魚。所以，都有好多活用大自然食材製作成料理嘅餐廳。
銀之匙
銀之匙坐落喺溫泉街上，喺令人感到沉穩嘅店內，可以享用西式料理。好推薦呢度嘅和牛牛扒同忌廉蟹肉可樂餅。隨餐附上嘅蔬菜都好好味㗎。
店鋪資訊
- 店鋪名稱：銀之匙
- 地址：宮城縣大崎市鳴子溫泉新屋敷63-1
- 交通方式：從鳴子溫泉站步行約5分鐘
Fujiya食堂
去到Fujiya食堂好推薦大家品嚐正宗嘅蕎麥麵，亦可以配上天婦羅一齊食，份量十足又大碗，一定會讓你食飽飽先走出店。其中，鋪上滿滿附近摘採山菜嘅「山菜山藥蕎麥麵」同溫泉蛋評價都相當高。
店鋪資訊
- 店鋪資訊：Fujiya食堂
- 地址：宮城縣大崎市鳴子溫泉湯本110-2
- 交通方式：從鳴子溫泉站步行約2分鐘
鳴子峽嘅住宿酒店
喺充滿大自然嘅鳴子峽，亦有可以感受大自然魅力嘅酒店。特別要同大家推薦嘅有可以盡情享受鳴子溫泉嘅住宿設施。下面要同大家介紹幾間好適合外國人嘅酒店。
鳴子溫泉・Masuya
鳴子溫泉Masuya嘅美人湯相當受歡迎，有溫熱嘅溫泉泉源。好推薦嚟呢度入住，感受擁有日本魅力嘅日式料理與客房。特別要提到嘅係手握壽司，係可以充分感受到師傅對手握壽司嘅堅持。
酒店資訊
- 酒店名稱：鳴子温泉Masuya（鳴子温泉 ますや）
- 地址：宮城縣大崎市鳴子溫泉湯本82
- 交通方式：從鳴子溫泉站步行約5分鐘
龜屋酒店
龜屋酒店擁有露天浴池，泡著溫泉能一覽鳴子峽嘅大自然景色。時令嘅蔬菜料理同山菜‧菇類料理相當受歡迎。建議要先預約呀。
酒店資訊
- 酒店名稱：龜屋酒店
- 地址：宮城縣大崎市鳴子溫泉車湯54-6
- 交通方式：從鳴子溫泉站開車約3分鐘
從鳴子峽前往機場嘅交通方式
羽田機場至山形機場約1小時，再搭乘接駁巴士至山形站須約35分鐘，從山形站搭乘山形新幹線至新庄站約45分鐘，換陸羽東線至鳴子溫泉站約1小時。
Comments