3個享受秋季富士山嘅方式

富士山喺9月上旬過後，登山季節即宣告結束，進入秋季。不過唔洗擔心，喺富士山半山腰嘅郊遊或觀光道路上遊車河、欣賞富士五湖周圍嘅楓葉景點同眺望富士山等，有好多可以享受秋季富士山嘅方式。

富士山附近嘅最佳賞楓季節

富士山附近地區因有標高差，往年都有將近1個半月嘅時間可以欣賞秋季紅葉。首先係從9月下旬開始，五合目附近嘅高山植物開始轉紅。跟著逐漸往山麓漸漸染紅，富士五湖周圍於11月上旬迎接最適合欣賞楓葉嘅季節。

御庭同奥庭係位於山梨縣嘅富士山四～五合目附近嘅健行路線。道路整備完善，沿途可以欣賞到生長於富士山嘅高山植物喺秋季轉成黃色。最佳欣賞時期為10月頭至底。山嘅表面染成一面黄金色嘅風景相當值得一睇。

富士山有2條可以遊車河路線。山梨嘅「富士Subaru Line」以及静岡嘅「富士Skyline」。無論邊一條道路景色都非常優美，可以從車窗欣賞到富士山嘅山肌呈現一片轉紅嘅高山植物。

富士山山麓有好多可以欣賞到美麗嘅楓葉同時，欣賞到富士山嘅景點。其中以鄰近富士山嘅富士五湖周圍嘅賞楓景點最為推薦。

「楓葉隧道」係喺河口湖北岸嘅知名賞楓景點。相當適合影相而廣為人知。不妨從楓葉嘅鏬隙當中拍攝河口湖同富士山雙雙入鏡嘅靚相啦！

「大石公園」係位於河口湖北岸嘅自然公園。從園內嘅遊園步道可欣賞到草木花卉同富士山・河口湖交織而成嘅秋季景色。同楓葉嘅紅又係另一種唔同嘅風情，相當值得造訪！

「旭日丘湖畔綠地公園」係喺山中湖湖畔嘅自然公園。係「夕日海濱・紅葉祭」嘅舉辦場地，可以欣賞到成面染紅嘅楓葉同富士山美景。