富士山：日本象徵

富士山係日本最知名嘅高山。擁有優美嘅景色，歷史上一直以嚟都係信仰嘅存在。現今已登錄為世界文化遺產，可以講係日本嘅象徵代表。富士山設置咗完善嘅登山步道同登山用嘅設備，每年吸引咗超過20萬人嘅登山客造訪。

關於富士山

富士山位於靜岡縣同山梨縣交界，係一座標高3,776米嘅活火山。從高空上眺望可以望到整座山呈現美麗嘅圓錐形，據說係大約10萬~20萬年前火山不斷地噴發，令大量嘅火山灰同熔岩堆積，約1萬年前形成如今嘅形狀。

此外，富士山最後一次爆發係喺1707年，之後進入超過300年以上嘅沉睡。如果有興趣想知道富士山目前嘅狀況，可以上日本氣象廳網站睇吓。

從富士山山上所眺望嘅美麗景色絕對值得一賞。爬上山嘅途中，可以望見太平洋、富士五湖、富士樹海等諸多大自然鬼斧神工嘅絕景。而且，登頂更能眺望底下嘅雲海，天氣晴朗時，360度全方位眺望遠方嘅美景。真心推薦開放登山時一定要親自去挑戰一下，眺望那壯觀嘅景色。

另外，喺富士山山腳下更能睇到富士山優美嘅一面。例如，喺河口湖湖畔旁，美麗花草樹木陪襯之下，欣賞雄偉嘅富士山景色。

富士山通常喺7月初至9月中呢段期間開放登山。依登山路線唔同，開放時間都有些少唔同，亦會受天氣影響而唔同，前往挑戰前，請事先上官方網站確認一下比較好。

另一方面，10月～6月係富士山積雪時期。各登山路線都唔會開放通行，而前往富士山嘅交通方式都會大幅縮減。如果唔係為登頂，可以爬到富士山五合目，呢段路程係全年開放。

從山梨縣同靜岡縣攀爬富士山嘅線路共有四條。其中最具人氣嘅路線係從山梨縣出發嘅「吉田路線」。路途中設置唔少山小屋同救護站，適合初學者，屬於比較好爬嘅路線。登頂所需時間約6個鐘，落山則約3個半鐘。

登富士山時，必須做好萬全嘅防寒保暖同防水措施。為免高山症發作，請放慢腳步，並多多補充水分。另外，登山時所製造嘅垃圾全部都要自己帶返屋企呀，切勿遺忘喺山上。

關西方面可由大阪、京都、名古屋等地方搭乘往富士山、河口湖方向嘅高速巴士，而關東方面可由東京、神奈川、千葉、埼玉、栃木出發。另外，如果係從東京前往富士山，推薦喺新宿巴士轉運站搭富士急行巴士呀。約2個半鐘，可以抵達吉田路線登山口所在嘅富士山五合目。