日本食品・飲料業界聚首一堂嘅展覽會「東京國際食品展（FOODEX JAPAN）」之中展出咗眾多商品，令人眼花撩亂。而當中引起FUN! JAPAN團隊注意嘅有「當地食品大獎」中，有關口味奇特嘅當地飲品比賽。今次就等小編一口氣同大家介紹吓啦。
小樽海膽汽水（北海道）
呢款係以小樽受歡迎嘅海產「海膽」為概念嘅汽水，調色成海膽顏色，實際飲落有汽水嘅甜味，但係又飲到少少鹹味，味道相當不可思議！
愛知縣蒲郡產，青眼魚醬汽水（愛知）
乍看之下只覺得顏色好似鼓油嘅汽水。其實係用咗愛知縣蒲郡產嘅青眼魚頭部同內臟所製成嘅魚醬嚟整成嘅汽水！
岡崎味噌可樂（愛知）
使用老字號嘅味噌，係日本首創嘅味噌可樂，飲可樂嘅同時都可以品嚐到濃厚嘅味噌風味啊。
WASABI（芥末）薑汁汽水（静岡）
使用真嘅芥末製成，薑汁汽水與芥末嘅嗆辣度，一定係相當具有衝擊嘅味道。
鰻魚可樂（靜岡）
鰻魚配上可樂嘅碳酸飲料，內含鰻魚精華。
章魚燒風味汽水（大阪）
仿造大阪具代表性嘅靈魂食物—「章魚燒」嘅汽水。為咗要強調章魚燒嘅醬汁香味同紅薑，汽水中仲加咗辛香料添。
金澤咖哩可樂（石川）
以石川縣當地美食「金澤咖哩」為概念嘅可樂。係有咖哩風味，好有新鮮感嘅碳酸飲料。
富山黑汽水（富山）
「富山黑拉麵」係富山縣嘅當地拉麵，以其會令人上癮嘅概念所推出嘅汽水。特徵在於有鼓油風味加胡椒辣味，再配上汽水嘅甜味同爽快嘅碳酸，呢個絕妙嘅搭配呈現出獨特嘅味道。
橄欖汽水（香川）
係從橄欖果汁製成嘅汽水，成功壓住橄欖獨特嘅苦澀味，可以聞到好似青蘋果嘅新鮮橄欖香味。
豉油汽水（香川）
使用具400歷史嘅小豆島醬油製成。推出時曾經因為好難想像係咩味道，曾引起熱烈討論，其實係可以飲到淡淡鼓油味嘅。
ALIEN ENERGY（佐賀）
生息於九州有明海嘅「拉氏狼牙鰕虎魚」，外型睇起嚟好似異形。利用「拉氏狼牙鰕虎魚」嘅精華，並添加活力來源嘅精氨酸、協調精神平衡嘅GABA等成分，屬於一種新型能量飲料。
白米汽水（鹿兒島）
呢款白米汽水係用鹿兒島嘅米製成。其實，日本全國有牌子嘅米都可以加工製成汽水，要不要試吓將自己嘅米做成汽水嚟飲吓？
睇完呢篇文之後，有無勇者想試吓飲呢？下次去日本旅行時，請試吓買嚟飲，再話我哋知你嘅感想啦～
Comments