全世界幾乎只有日本人會喺日常生活中食生雞蛋。喺熱辣辣嘅飯上面打隻生蛋淋上醬油，對於日本人嚟講係十分普遍。另外，仲有壽喜燒嘅肉沾生蛋食，亦有人會將納豆撈埋生蛋一齊食。下面就跟著小編一齊嚟睇吓點解日本人咁鍾意食生蛋啦…
生蛋比煮過嘅蛋更有營養價值？
我哋假設生蛋比煮過嘅蛋更具營養價值，下面分成3種熟度嚟比較其營養價值。
生蛋
蛋所富含嘅維他命B，屬於水溶性維他命，營養素會隨著烹調受熱流失。如果生食就能攝取到完整嘅維他命B。
原來係咁，可能呢個就係日本人愛食生蛋嘅原因之一。
半熟
蛋如果煮到半熟，體內嘅吸收率似乎會達至97%。消化吸收率比起其他食用方法更為有效，所以相當推薦唔想造成胃部負擔，或腸胃較弱時食用。
烚蛋
全熟嘅烚蛋，食起嚟好有口感同飽腹感，對於正在減體重嘅人嚟講係非常好嘅推薦食物。雖然維他命B群會流失，但對於擔心生蛋會有細菌嘅人嚟講，烚蛋連蛋黃都煮熟埋，更加可以放心食用。
會食生蛋只有一個理由！
生蛋嘅營養價值雖然唔係最優秀，但日本人都咁鍾意食梗有箇中原因，所以小編就實訪咗FUN! JAPAN團隊中嘅20位日本人，了解一下咁鐘意食生蛋嘅箇中原因。
結果…出乎意料之外，全部都唔係答基於營養為由嘅原因！大家都係一致性回答一個理由「因為好味」,原來就係咁簡單…
其實，長時間住喺日本嘅FUN! JAPAN外國小編們當中，都有鐘意食生蛋嘅小編啊。亦可以話係「因為自己國家不嬲無,或者唔提倡食生蛋嘅習慣，所以一直都唔知生蛋原來如此美味」。
另外，喺呢次採訪得知，雞蛋嘅衛生管理同品質管理方面，日本可以話係全球第一㗎。
衛生管理從雞仔嘅飼料就開始
孵化後嘅雞仔,一開始就用安全性極高嘅飼料餵食，喺呢個情況下飼養成母雞後所生產嘅蛋，會被送到稱之為GP中心嘅包裝設施，根據雞蛋嘅種類同等級挑選分裝。
洗蛋、檢查、挑選階段 品質管理嚴格把關
完整嘅衛生管理下，包裝過程當中幾乎無人手接觸過。將雞蛋運送到鋪頭販賣過程當中必須通過多重階段，嚴格把關先可以完成,整體體制都非常完善。
日本特有嘅規定
根據日本養雞協會嘅規定，雞蛋要標「賞味期限」但就唔使標「消費期限」。正正因為衛生管理執行得相當嚴謹，所以就算過咗「賞味期限」，只要煮過，幾乎都仲可以食用。呢個係日本特有規定，日本以外嘅地方就無乜可能啦...
下次去日本時，一定要試試日本嘅生雞蛋,話唔定會意外地食上癮啊！
Comments