去東京旅行好多人都一定唔會錯過淺草呢個為人熟悉嘅景點。唔單只有建於628年，歷史悠久嘅淺草寺，仲有散發傳統氣息嘅商店街，仲同地標晴空塔好近可以同佢全貌影到合照添。想將淺草擺落行程，不妨參考吓呢篇文章啦！
於淺草體驗著和服（浴衣）啦！
我哋造訪嘅係呢間叫「淺草愛和服」嘅和服（浴衣）出租專門店。喺淺草有3間分店，每間分店都有勁多浴衣 （和服）選擇，真係花多眼亂，你叫有選擇困難症嘅小編點揀呀？！？！！
和服店可以租借可愛和服浴衣，而一個價錢已包含全套和服配備，即和服、半幅帯、肌着、木屐、和式提包（多加一千円附加費還可租借特別版提袋，更顯高貴感），而專業和服穿衣老師都會協助著裝。仲會幫你Set頭整造型，同有埋精緻髮飾租借添。
而想要特別啲嘅朋友可以俾多一千円體驗振袖（長袖子和服）或袴（明治時代嘅女學生制服，現為日本女生畢業服），同和服浴衣一樣咁靚但著法又有些少唔同，至少行喺條街度都特別啲吖嘛。除此之外，想體驗戰國武將盔甲裝扮嘅男性或女性朋友仲可以去1號店揀「甲冑」嚟著，真係夠唒特別又威風呀！
而最特別嘅係愛和服2號店內有貼紙相機，中學時影就影得多，但著和服影試過未呢？！除咗可以著和服慢步於濃厚古代氣息的淺草街道上，仲可以去店旁嘅隅田公園以晴空塔作背景咁影相，嚟個古代同現代嘅完美融合啦。
如何前往和服出租專門店呢？
喺淺草車站內有個資訊板，搜尋「出租和服」之後，就會顯示「淺草愛和服」嘅相關資訊。跟住，用手機scan QR Code，就可以開啟名為「COCOKARAGO（ここからGO!）」呢個路線導覽嘅網頁。當中會顯示前往路線中幾處街景，跟住圖文並荗嘅指示行，甚至可利用語音嚮導，就可以輕易去到目的地，就算係路痴或者唔識睇地圖嘅朋友，都唔使驚啦！
品嚐道地的日本料理！
位於「淺草愛和服」附近有間名叫「ORIGAMI 折り紙 (中文是摺紙的意思)」，提供日本國產牛肉嘅道地日本料理餐廳。提供附有食物圖片嘅英文餐單，亦有會講英文嘅店員。而且，坐窗口位可以欣賞到窗外櫻花景色！咁春天櫻花季節時就可以一邊用餐、一邊賞櫻啦。但因為係旺季，有興趣嘅朋友建議要提早預約訂位啦！
著和服漫步於傳統商店街
身著和服打扮，漫步於充滿傳統氛圍嘅淺草「仲見世通」商店街，利用其背景影各種和服美姿真係最適合不過喇！而且仲見世商店街有各式各樣嘅傳統食品店同手信店鋪都，例如喺小山商店可以買到好多富有日本特色嘅日本傳統工藝品或和風雜貨。每個都好可愛讓人愛不釋手，細細地又唔會好佔行李空間，買多幾個返去做手信都得呀！
※之後亦會刊登來自香港活動得獎者嘅遊記分享，敬請期待啊！
Comments