有點奇怪的拉麵店組合

大家好，我係來自巴西嘅留學生Lucila，目前就讀三重大學研究所嘅醫學系研究科。
今次嚟到津車站前嘅「御麵麥一等兵」。招牌菜式係普通大細嘅拉麵同沾麵，希望帶俾當地居民活力而研發嘅最強豚骨鬥魂拉麵等等主菜，配搭餃子或叉燒一齊品嚐。
今日就要為大家介紹配搭有啲奇特嘅組合。

奇特之一，津市先至有嘅特殊食法

喺「御麵麥一等兵」可以品嚐到獲得B1美食大賽嘅「津餃子」，喺三重縣津市內最一開始係小學生營養午餐所提供嘅菜色之一，喺津祭獲得好評，係具有歷史嘅B級美食。
津餃子用咗直徑15cm嘅大型餃子皮，內餡材料使用日本國產，外皮酥脆，餡料充滿水分。
同拉麵一齊品嚐，可謂最正嘅組合，非常推薦大家叫番個嚟食。

喺「御麵麥一等兵」一邊食拉麵，一邊品嚐GariGari君嘅沙瓦。
就咁直接食冰條，或者係敲碎混入沙瓦入面好似刨冰咁食都得。
另外仲有為細路仔準備嘅無酒精GariGari君飲品。

店內除咗吧檯座位以外，亦設置一般座位，適合一群人或者係家族一同嚟享用。不妨同親朋好友一齊嚟食一下啦。

日本嘅拉麵唔單止受日本人喜愛，亦頗受外國人歡迎。喺我嘅母國巴西，有好多日本人最近都開咗好多好食嘅日本拉麵店。但係就算喺巴西當地獲得美味評價嘅拉麵，始終比唔上日本來得道地。
大家嚟津市玩嘅時候，不妨移步到「御麵麥一等兵」品嚐一下啦。

「御麵麥一等兵」距離津車站步行約3分鐘，而本店位於三重縣津市久居。

就讀三重大學研究院醫學系研究科博士學程。係一名日籍巴西人。興趣係繪畫、藝術、皮拉提斯。拿手專欄係美食、美景及科學。