喺日本舉辦嘅最頂尖賽車賽F1日本大獎賽集結咗各隊最佳技術，全球頂尖嘅20名車手互相較勁。喺2018年3日間就吸引咗約16萬5000名觀眾到場，現場熱血沸騰。下面就同大家介紹日本大獎賽嘅歷史同舉辦場地等。
先了解日本大獎賽
日本大獎賽1987年首次喺三重縣嘅鈴鹿賽車場登場後持續至今。喺1990年前半嘅代表性車手洗拿以及中嶋悟、鈴木亜久里、佐藤琢磨、小林可夢偉等日本車手活躍之下，粉絲持續增加。每年10月日本大獎賽舉行嗰陣，都吸引好多F1迷到訪。
2018年本田汽車(HONDA)擔任贊助商，以「2018 FIA F1世界錦標賽系列 第17站 Honda日本大獎賽」嘅正式名稱開辦賽事。由賓士F1車隊嘅漢米爾頓奪下優勝。
日本大獎賽舉辦地鈴鹿賽車場嘅獨有特徵
鈴鹿賽車場賽道猶如寫住大大嘅「８」字，係全球罕見嘅立體交錯式設計。低速、中速、高速仲有多種道路專區，需要相當好嘅駕駛技術。
另外，鈴鹿賽車場有其他賽車場無嘅特徵。首先，有好多人會COSPLAY到場。除咗加油旗幟同埋加油看板，仲有人會認真裝飾自己頂帽或者係穿著支持隊伍顏色嘅法披(日本祭典中會著嘅日式背心)。透過Twitter舉辦活動，吸引好多人上傳相例如Cosplay等相，而掀起一陣熱潮。跟住落嚟嘅係「美食」，根據區域不同分成速食、肉類、甜點等主題，從章魚小丸子、烏冬、拉麵、咖哩一類嘅日式料理到義大利千層麵，串燒等各國美食都應有盡有。另外仲會請現役車手上台一同進行活動，豐富內容令觀眾都可以樂在其中。
如何購票與交通方式
如何購票
門票可以從網路購買，網站有英文同中文繁體字，開賣之前可以上網站確認詳情。領票方式可以喺觀賽當日前往主賽道嘅取票櫃台領票。領票嘅時候唔洗額外支付手續費，而且觀賽當日先取票亦唔洗擔心票會遺失等嘅問題。
英文購票網頁： https://online.mobilityland.co.jp/en/SelectCategory.aspx
繁體中文購票網頁： https://online.mobilityland.co.jp/Cn/SelectCategory.aspx
票價、攜帶物品與推薦嘅最佳觀賽區域
根據座位不同，票價大概幾1千円至6，7萬円不等。想減低預算嘅人可以購買西區座位、帶同一家大細嘅可以購買S席嘅親子席、想感受現場最高潮位嘅人可以買C席座位，想一次過全部體驗嘅則推薦V2席座位。
攜帶物品
由於賽事喺10月舉行，相對嚟講屬於氣候舒適嘅季節，不過朝早同夜晚有時溫差大，所以要準備好防寒用品。另外，有好多觀眾席上方無屋簷，亦建議攜帶雨具。仲可以準備埋望遠鏡、隔音用耳罩。
交通方式
從三重縣．近鐵名古屋縣「白子站」乘搭直達巴士約20分鐘，單程約400円左右。另外，近鐵鈴鹿線「平田町」站同伊勢鐵道「鈴鹿賽車道稻生」站等都係距離最近嘅車站，但從「平田」站無巴士可以搭，可以揀乘搭的士，車程約15分鐘，從「鈴鹿賽車道稻生」站嘅話則步行約30分鐘可以抵達。
Comments