『呢度嘅伊勢烏冬超好食㗎！』
當地人帶咗我去呢間店，品嚐到嘅係伊勢烏龍麵。
『我要碗叉燒拉麵』當地人咁講。
等等，唔係伊勢烏冬咩！？
哇啊～！令人不禁讚嘆嘅烤豬肉伊勢烏冬
呢度係伊勢河崎。
作為「伊勢的廚房」，曾經係繁榮一時嘅港口小鎮，利用勢田川運輸物資供給食材同日用雜貨。
至今仍保留著古老嘅建築、漆黑塗裝嘅倉庫，充滿日本情調。
呢次同大家介紹嘅係位於河崎嘅TSUTAYA（つたや），係一間可以感受日本懷舊氛圍嘅食堂。
人氣嘅伊勢烏冬送到嚟喇。
上頭擺滿肉～哇啊～不禁令人驚嘆一番！！
肉多到睇起嚟好似烤豬肉先係主角咁，簡直係喧賓奪主，搶晒伊勢烏冬嘅風采喎。
鹹甜嘅醬汁同豬肉嘅油脂搭配起嚟簡直係絕配，而主角伊勢烏冬嘅美味一啲都唔遜色啊。
好好味啊！不禁一口接著一口。
但係，當地人嗌嘅係拉麵或炒飯
當地人嗌嘅叉燒拉麵嚟喇。
無可置疑，都係超級好味。但嚟到呢度唔係應該嗌伊勢烏冬嚟食先啱咩？！
隔離係拉麵，另一枱嘅一家大細都係食拉麵。
似乎每週一次定期會嚟呢度食拉麵咁。
但係呢度唔係主打伊勢烏冬咩？！？！？
「伊勢市市民唔多會喺外面食伊勢烏冬啦。會嗌伊勢烏冬嘅大多數都係觀光客。」
原來大家都會喺屋企食，所以出街食飯嘅話反而唔會點嚟食。
柴火熬高湯。丟入燒熱嘅鐵板迅速濃縮美味
創業歷史有70年之久嘅TSUTAYA（つたや）。目前係第二代老闆同第三代老闆共同經營。
令人驚訝的嘅係廚房嘅灶爐。
高湯底係由大量加入2種柴魚、3種魚乾以及昆布等食材，每天花費5小時用柴火燒嘅灶爐熬煮。
老闆話GAS爐係煮唔出呢種高湯。
將鐵板放入燒得旺盛嘅柴火裡頭，燒到火熱之後再放入熬煮高湯嘅鍋中，炙熱嘅石頭瞬間滾燙湯汁，可以去除魚嘅腥味，令醬油嘅香氣更加濃郁。熬煮完畢之後，再放置一晚，讓味道更加融合。
用竹籠煮伊勢烏冬，口感柔軟
柔軟嘅伊勢烏冬口感溫和，係用專屬嘅竹籠麵杓煮嘅。
煮30分鐘後，再悶30分鐘。
花成個鐘煮出嚟嘅伊勢烏龍麵柔軟不失彈性，呈現烏冬最完美嘅狀態。
熱辣辣嘅伊勢烏冬上，淋上常溫嘅特製醬汁，呢個係用黃豆釀造嘅醬油所製。
就咁睇覺得醬油味可能會好重，但食落層次豐富細緻，除咗醬油嘅香味，仲有魚嘅鮮甜。
從頭到尾都唔捨得同人分享
喺戰爭過後物資匱乏嘅時代，開始經營TSUTAYA（つたや）。
同灶爐一齊被傳承落嚟嘅傳統湯底。
而交織所創造出嘅伊勢烏冬同拉麵都非常好味。
如果身邊有人唔明佢嘅滋味，雖然會想推薦佢試食一啖，但呢個美味真係唔捨得同人分享，淨係想自己食晒佢。
採訪日期 2018.9.28
Photo by y_imura
________________________________________
TSUTAYA（つたや）
- 地址：三重縣伊勢市河崎2-22-24
- 電話：0596-28-3880
作者：福田Miki
Fukuda Miki。OTONAMIE三重縣觀光情報網站雜誌副代表。OTONA MASTER
擔任東京某企業公司的社長秘書，兼任辦公室中心長。學生時代便開始半工半讀進行現在的工作。2014年隨著丈夫從東京搬遷至三重。在對於離別舊生活的感傷中也懷抱起對新環境所產生的好奇心。由於是從外地而來關係，更是深深受到三重這塊土地自身魅力的俘虜。
OTONAMIE http://otonamie.jp/
*此網站附有Google網頁翻譯功能。
Comments