由本田汽車（HONDA）生產同販售嘅電單車「Super Cub」，到目前為止，已經喺超過160個國家．地區上市，2017年全球累積銷量更已超過1億輛，因此掀起一陣話題。「Super Cub」唔止喺日本，喺全球都相當出名，下面要為大家介紹「Super Cub」嘅歷代車款。
本田永遠嘅經典「Super Cub」
「Super Cub」喺1958年8月開始量產，係全球知名嘅電單車。由本田創始者兼社長嘅本田宗一郎為主開發所開發出嘅車款。之後，配合時代背景以及需求不斷轉型，逐漸進化。但係，無論進化到邊一種車款都堅持維持高性能與持久性。2017年全球累積產量超過1億輛，2018年已上市60週年。
其1／1958年「Super Cub C100」
值得紀念嘅第一代 主打「必備車款」瞬間爆紅！
「輕巧容易駕駛嘅必備車款」，係第一代嘅主打概念。環保且低油耗嘅同時，又擁有125等級嘅馬力為最大特徵。配備初學者都容易習慣嘅自動遠心離合器。把手設計概念為翅膀等，連細微部位都相當講究嘅設計，亦係「Super Cub C100」嘅魅力一之。上市當日即刻賣出1000輛以上，瞬間成為熱賣車款。
其2／1966年「Super Cub C50」
「就算無油都可以持續跑」嘅動力性能！
1966年上市嘅「Super Cub C50」，採用新型OHC（凸輪軸頂上式）引擎。據聞「就算無油都可以持續喺路上跑」，提高動力性能與油耗。另外，方向燈則係採用同四輪跑車S600相同設計，車尾燈亦加大咗，安全性有所提高。隨住呢個車款上市，確立「Super Cub」嘅品牌。
其3／1971年「Super Cub Deluxe C50」
一體成形加上金屬配色 層級更高嘅豪華車款
呢個時候嘅日本，經濟富裕，對於豪華嘅需求高漲。喺咁樣嘅背景之下，於1971年上市嘅「Super Cub Deluxe C50」亦稱為豪華版，可以話係層級更高一檔嘅車款。金屬車身顏色帶俾人奢華嘅印象，與車身分開嘅油箱進化為內藏式但容量不變。把手造型則猶如海鷗飛翔一樣！
其4／1982年「Super Cub 50SDX」
馬力強大且油耗低！頭燈同儀表板採四方型設計！
因發生第二次石油危機，進入1980年代後就進入要求節能嘅時代。透過改良燃燒室形狀同埋吸氣排氣系統、降低摩擦損失，開發出可以實現每公升150公里嘅低油耗引擎。另外，頭燈同儀表板等亦改為四方型設計。
其5／2012年「Super Cub 110」
改款為全球格式！曲線改為直線嘅線條設計
由於噪音同排氣量全球統一，2012年上市嘅「Super Cub 110」，就將基本設計全世界同步，有「Gobel Cub」之稱。車燈同閃光燈設計成四方型等，設計概念從「曲線改為直線線條」，另外，為咗令駕駛嘅同時可以睇清楚儀表數字，就將儀表板加大。
本田「Super Cub」持續不斷進化中！
今次介紹嘅車款僅係一部份，配合時代背景、使用者需求，「Super Cub」不斷進化改款。今後，「Super Cub」將會如何進化，亦都值得注目！
Comments