想試下喺日本嘅米芝蓮星級餐廳食餐飯,但好似好難book到位咁…咁諗嘅你埋嚟睇，而家有個好消息話俾你知！人氣嘅壽司，全包宴等等，喺米芝蓮星級餐廳都可以輕鬆預約到，等我哋嚟睇睇呢個服務有幾巴閉啦！
餐廳預約服務「JPNEAZY」
提供預約日本全國高級米芝蓮餐廳之服務。喺150間加盟店中揀選，只需要填下去嘅日期時間，姓名，就可以喺24小時內預約成功。 (只提供英語服務)
餐廳選擇多樣！
呢項服務所提供嘅壽司鋪、懷石料理店、雞肉串燒店等等、包含嘅餐廳種類各式各樣。太多間揀唔落手嘅你....過嚟睇，FUN! JAPAN Team就用咗同一項服務悉心為你挑選出部分人氣餐廳，仲唔快啲嚟參考一下啦！
東京
銀座 久兵衛 – 壽司類
位於銀座嘅「久兵衛」喺全世界屬於一流，甚至可以話係日本其中一間最高等級嘅壽司店。超過80年嘅老字號，經常滿座嘅人氣餐廳。餐廳為現代數寄屋造嘅和風建築，令人感受到日本獨有嘅美好。想喺日本想食到品質最上等嘅壽司，就一定要嚟呢一間試下啦！
Masakichi (まさ吉) – 串燒類
位於住宅區嘅「Masakichi (まさ吉)」、係一間燒雞串店。 被刊登於「米芝蓮指南東京」Bib Gourmand嘅雞肉串燒一覽。特點係使用最高級嘅紀州備長碳烘烤、提供多種雞肉部位、品質亦受到認可。店鋪仲有提供拉麵，獲得大眾好評。
醍醐 – 懷石料理
步入店內嘅一瞬間，豐盛香味洋溢，隨住季節有所變化嘅室內擺設，產生一種特別嘅感覺。從批發商以及製造商直接嚴選採購嘅食材，提供素食者都啱嘅健康懷石料理。全室都係掘式被爐座席，帶俾你一個邊欣賞日本庭園風景邊品嚐料理嘅機會。
北海道
活螃蟹 花咲 (活カニの花咲) – 螃蟹類
坐於美食聖地札幌，一間提供新鮮鱈場蟹嘅專門店。喺呢度可以享用現場即叫即切嘅新鮮蟹肉，刺身，半熟，以及蟹味濃郁嘅燒蟹肉。一於嚟呢度一邊欣賞生切螃蟹嘅表演，一邊享受最高級嘅螃蟹菜式啦！
花小路Sawa田 (花小路さわ田) - 懷石料理
想喺北海道食到帶高級感嘅料理就睇呢度！店鋪為咗迎合大眾需求，精心提供最好嘅料理而深受好評。喺呢度除咗可以享用北海道正宗料理，河豚料理之外，仲可以期待一下由廚師精心製作嘅季節料理。
大阪・京都
季流 – 鐵板燒類．大阪
坐於大阪站「Granvia Osaka (大阪格蘭比亞) 酒店」內嘅鐵板燒店。優良嘅廚師為你提供現場即叫即燒服務，均適用四季應時嘅食材。黑毛和牛以及海鮮係必食菜式。從法國風菜式到簡單樸素嘅鐵板燒，提供多樣選項。
神戸牛和之宮(神戸牛和ノ宮) – 壽喜燒類．大阪
提供最高等級A5以上嘅神戶牛，價錢合理嘅神戶牛專門店。可以享用神戶牛嘅稀少部位，肉質種類繁多嘅神戶牛，一定能夠滿足而歸。餐廳為眼前設有鐵板嘅吧檯形式。由經富經驗嘅廚師為你即時烹製嘅臨場感，亦都係喺呢間餐廳享用美食嘅樂趣之一。
松籟庵 – 懷石料理．京都
坐於嵐山・渡月橋上流嘅懷石料理餐廳。特點係可以喺宅邸內享受四季更迭嘅自然情趣。店鋪提供京都名產料理「日式湯豆腐」。於可以觀賞到璀璨絢麗嘅櫻花以及紅葉景觀嘅環境下度過一段悠閒時光。每月替換嘅餐單，都可以享用到以當季食材烹製嘅日本料理。
Comments