去日本旅遊時，如果唔識日文應該會遇到好多困擾嘅情況啦。睇唔明餐牌又語言不通，所以根本唔知料理內容係乜，再加上根本book唔到位….但你又知唔知？而家有個服務可以事先預約知名餐廳，咁就唔使排隊都可以去食好東西啦！
餐廳預約服務「JPNEAZY」
「JPNEAZY」有「EASY在JAPAN預約餐廳」嘅意思。只要輸入想去嘅餐廳，24小時都能預約。而且日本時間上午9點至下午６點，更有英文同中文線上專員為你服務，有咩問題都可以隨便問呀！
坊間代為預約餐廳嘅網站，通常都會收2,000円左右嘅代訂貴。但睇到呢篇文章嘅你就好彩啦！而家只要透過「JPNEAZY」預約，不論係網頁內嘅舖頭，定你自訂想去嘅餐廳，「JPNEAZY」都可以幫您預約。而代訂費用都只係800円一間餐廳！只要喺預定時間去到餐廳，就可以唔排隊即刻可以享受美食！而家就快啲行預約餐廳，體驗下「JPNEAZY」所提供嘅服務吧！(預約網頁僅提供英文頁面)
餐廳選擇多樣 應有盡有
從日本料理、西式料理、中華料理等，「JPNEAZY」嘅餐廳類型都應有盡有。種類太多反而唔知點算好？唔使擔心，FUN! JAPAN團隊為你精選下面幾間受歡迎嘅餐廳，睇呢篇就可以直接預約啦。
壽司 通(すし通) – 壽司類．東京
「壽司 通」係全球壽司迷爭相造訪嘅店，可以講係出名到超難預約到嘅壽司店。坐落喺高級餐飲店同時尚店面林立嘅成熟感街道—東京西麻布。「壽司 通」就藏身街道內。店內有壽司師傅親自捏壽司嘅吧檯座位、可以喺餐店嘅包廂好好享受私人空間。令人感到沉靜感嘅內裝，以及舒適感都係「壽司 通」嘅魅力之一。餐點則係提供套餐，仲有僅在平日中午先可以享用得到嘅主廚推薦手握壽司套餐等。
黑鮪魚市場(マグロマート) – 鮪魚類．東京
滿滿都係黑鮪魚(吞拿魚)嘅超人氣餐廳「黑鮪魚市場」，雖然坐落喺住宅區內，不過改造成好似一個倉庫咁嘅外觀相當搶眼。內部裝潢亦全部都係黑鮪魚，壽司種類當中最受歡迎嘅都係黑鮪魚，嚟到呢度，就可以充分享受到黑鮪魚嘅美味。招牌菜色「本鮪魚 黑鮪魚市場拼盤」，你一定要點嚟試吓。鍾意鮪魚嘅你，請一定要預約「黑鮪魚市場」，盡情品嚐黑鮪魚嘅美味啦~
Yoroniku(よろにく) – 燒肉類．東京
「Yoroniku」係位於東京南青山住宅區內嘅燒肉店，名列日本全國前3名，係超受歡迎嘅高級和牛燒肉店。距離表參道站有點距離，店內除咗有吧檯座位與桌位之外，亦備有包廂。除咗肉類以外嘅單品料理都頗受好評。此外，仲有好多相當適合搭配料理一齊享用嘅酒精飲料，能邊飲酒邊食肉，真係人生一大樂事！
鐵板燒 白秋 – 鐵板燒類．東京
「鐵板燒 白秋」店鋪位置喺澀谷地區，係可以享用到高品質嘅高級和牛．神戶牛鐵板燒名店。牛排肉質柔軟，入口即溶，好似完全唔使咀嚼就能舌落肚。除咗肉類之外，仲可以配搭新鮮花枝、蝦子等一齊享用。由於店內座位數量唔多，所以想一試嘅你就一定要book定位先再去，免得撲空一場喔。
Kichi Kichi – 蛋包飯．京都
因為有一段店主喺客面前將奄列蛋放喺飯上嘅影片上傳後，令餐廳「Kichi Kichi」喺日本國內外都掀起一陣熱潮。而且本身亦係京都知名嘅蛋包飯餐廳。包含招牌「鬆軟蛋包飯」在內，亦有燉牛肉同主廚招牌忌廉可樂餅等。係能邊欣賞表演邊享用美味料理嘅餐廳嚟㗎。
嵐山 Yoshimura(嵐山よしむら) – 蕎麥麵．京都
嚟到京都嵐山，一定要順便去埋「嵐山 Yoshimura」呀。店鋪嘅位置絕佳，從店內可以眺望嵐山與渡月橋嘅美麗景色。店家最引以為傲亦好講究嘅係蕎麥麵，由熟練嘅師傅親手揉捏製作嘅蕎麥麵。如果事先預約嘅話，唔使排隊就享用到美味午餐啦。要唔要喺充滿日式風情嘅高級包廂內，享用店家自豪嘅蕎麥麵先？
鐵板燒始祖 牛排Misono 大阪店 – 牛排類．大阪
鐵板燒始祖 牛排Misono係全球首間首先提供鐵板燒牛排嘅老字號店鋪。從1945年開始經營至今。除咗店家嚴選嘅黑毛和牛，仲可以享用到時令嘅蔬菜同受歡迎嘅海鮮類料理。請務必嚟品嚐一次最高級黑毛和牛嘅美味。店內全部座位都圍繞著鐵板，因此用餐時食到最後都可以享用到熱辣辣嘅料理啊。
Comments