【2024】日本旅行穿著建議～春季篇

講到日本嘅春天即刻聯想到嘅就梗係櫻花季節啦。寒冷冬天進入尾聲，太陽照得越嚟越暖喇。3月底到4月上旬，包括東京在內，關東地區亦將進入最佳賞櫻時期。櫻花盛開時，整條街道都染上粉紅色，可以講係相當美麗嘅季節。

計劃喺春天去日本旅行，但唔知服裝應該點著先好。大家一齊嚟睇吓以下嘅介紹啦。

日本嘅春天從幾月到幾月？

日本嘅春天，一般嚟講，指嘅係3月到5月，約三個月左右嘅時間。

3月會一直維持春天嘅氣氛，去到換季，真係令人興奮！但係仲會覺得寒冷，所以仲係需要大褸或羊毛冷衫配搭服裝。

女性建議穿搭：一講起春天仲唔係「花嘅圖案」？花紋嘅洋裝係你不可或缺嘅單品。配色可以係等待春天到來嘅顏色，唔係華麗顏色而係選擇淡淡嘅色彩，就已經好適合春天嘅氣息啦。綠色小碎花嘅洋裝帶有純真感♪ 加上早晚溫差大，帶件大褸以防突然變凍嘅天氣喔。

男性建議穿搭：3月係季節變換嘅關鍵期，因為溫度變化大，帶著一件外套都可以喺不同氣溫下舒適地度過一整天呀。亮色外衣顏色好適合春天，深色外套則係會俾人又cool又型嘅印象。另外，多層次穿搭都會帶出一種時尚嘅感覺喔。

4月正式踏入春天，唔會太凍亦唔會太熱，係非常適合觀光嘅氣候。除去笨重嘅大褸，以輕盈服裝外出可能會令你想出得更多街吧。

女性建議穿搭：建議穿著洋溢著春天氣息嘅小碎花洋裝。穿著同3月差唔多其實都OK。只係到中午，陽光日照會變增強，較推薦捨棄厚重大褸改著輕便夾克或羊毛冷衫。

男性建議穿搭：出外旅行，梗係要著得休閒啲好啦。如果想加啲流行元素，除咗例如牛仔服飾等休閒風格，有領襯衫混搭一啲流行單品都係唔錯嘅選擇吖。

5月就更實際感受到氣溫上升且陽光日照變強。但係仲要多加留意早晚溫差大，所以建議穿著短袖搭配薄外套。

女性建議穿搭：5月係綠意盎然處處充滿生機嘅季節，橙色、黃色、綠色、藍色、粉色等顏色嘅服裝，影起相嚟都好適合呀。永不退流行嘅單寧風，充滿女人味嘅洋裝，旅行時都唔會太過隨意，相當推薦咁樣著呀。

男性建議穿搭：當陽光出現且氣溫上升到23~25℃時，建議配搭長袖襯衫或T恤！可著淡黃色上衣配白褲子，俾人乾淨清爽嘅感覺且有滿滿春天氣息。

日本喺5月有大型連續公眾假期，俗稱「黃金週」。所以日本國內選擇出遊嘅人都會增加，景點會變得擠迫、亦可能有塞車等情況出現，如果計劃喺呢段期間去日本旅行嘅話，就要留意吓喇。