為咗祈求順產，母子平安，會招集親朋好友舉辦一場產前PARTY，慶祝BB即將誕生嘅「Baby Shower」。喺眾人滿心期待同祝福之下，希望BB誕生之後，成為一個善良溫柔嘅人，過得幸福健康快樂。可能大家喺美劇或電影嘅場景當中都曾經睇過主角舉辦過呢個PARTY。
而家「Baby Shower」產前祝賀PARTY，喺日本人之間亦開始流行起嚟。就等FUN! JAPAN團隊帶大家親身體驗一下「Baby Shower」PARTY啦。
「Baby Shower」即係？
籌備PARTY嘅主要係新手媽媽。通常會請屋企人或者係朋友擔任負責人。PARTY當日大家圍埋一齊用餐，好似生日PARTY一樣咁歡笑度過。其中會有好多節目橋段，例如聽其他媽媽嘅經驗談，客人會贈送禮物，仲會有同嬰兒有關嘅小遊戲，令新手媽媽可以放鬆，快樂準備迎接BB來臨。
PARTY嘅餐點以及裝飾準備
可以自己下廚，亦可以買裝飾嚟點綴場地，依自己喜好創造出自己滿意嘅空間。今次，我哋租借咗東京表參道一間時尚餐廳舉辦「Baby Shower」，擺飾咗好多新手媽媽鐘意嘅粉紅花朵，仲有可愛蕾絲裝飾等等。
餐點料理方面，餐廳提供咗好幾道拿手嘅蔬菜料理同埋甜品。就連餐盤都靚到令人想影相打卡上傳！然後，點綴喺純白牆壁上嘅粉紅裝飾以及送俾新手媽媽嘅禮物，實際上都係委託東京一位PARTY佈置設計師所製作。睇咗佢啲作品，大家係唔係都好想預約佢所提供嘅服務呢。
「Baby Shower」PARTY嘅人氣小遊戲
- 孕肚猜謎遊戲：利用長長哋嘅緞帶量測自己嘅腰圍，再去估下要用幾長嘅緞帶先至可以準確量測到新手媽媽嘅肚。相中嘅大家都好努力想估中答案喔。
- 奶樽鬥快飲比賽：喺奶樽入面倒入牛奶或果汁，大家比賽睇下邊個最快飲曬。
- 嬰兒食品猜謎遊戲：將市面嘅嬰兒食品倒入盤當中，俾大家品嘗，估下呢啲嬰兒食品係邊一款口味。
大家睇咗以上嘅內容覺得如何呢？傾定好服裝主題，大家仲可以一齊影出無數張靚相。嚟日本旅遊嗰陣都想舉辦一下「Baby Shower」嘅朋友，歡迎同以下店鋪聯絡洽談。唔單止凈係提供「Baby Shower」嘅產前PARTY咁簡單，就連細路仔嘅成長慶祝PARTY或者係閨密好友嘅歡樂聚會都可以幫大家安排！
設計師聯絡資訊如下
- 店鋪名稱：Manner House-Make Happy Memory
- 聯絡方式：[email protected]
- 網址：www.mannerhouse.jp
餐廳介紹
- 餐廳名：sghr Cafe
- 網址：http://www.sghrcafe.com/aoyama/
Comments