從前，有個女仔喺出面租咗間房，有一日，佢嘅好閨蜜嚟咗玩過夜。
然而，間房凈係得一張單人床，所以個女仔就瞓喺床，而朋友就打地鋪。
但係，當個女仔打算瞓，正當想熄燈嗰陣，朋友突然就話：
「啊～突然想去下便利店㖭！喂吖～我哋一齊去好唔好？」
女仔回應話：「我唔去啦，你自己去啦～」拒絕咗朋友。但係朋友就拉實佢話：「唔得！一定要兩個人一齊去！而家就去啦！」個女仔無佢乎，只好陪佢嘅朋友一齊落街。
朋友臉色發青，彷彿以逃難嘅速度，快速走向便利店。
女仔就問：「你做咩事吖？」，而朋友就咁答佢。
「我啱啱正想瞓嗰陣，同床底一個拿住菜刀嘅男人四目相投．．．」
Comments