「東急HANDS」喺東京嘅新宿、澀谷、銀座，以至大阪梅田、奈良、京都等主要地域皆設有分店。由日常用品、文具精品，到傢具、甚至裝修、園藝工具，只要顧客想要嘅野，東急HANDS都會搜羅返來滿足大家，提供應有盡有嘅商品係公司引以為傲之處。而且店內有好多日本製品，往往係海外遊客訪日時買手信嘅人氣點之一。今次再為大家介紹東急HANDS澀谷店推介嘅創新廚房用具。
附3種可換刀刃！蔬果切片切絲都靠佢！「Benriner『蔬果刨刀』（透明膠包裝）米黃色」2,484日元（含稅）
呢個刨刀可以將蔬果切片，將洋蒽切絲，係切蔬果配菜嘅萬能好幫手。配合各種菜式可以選用3種唔同嘅刀刃。仲附有保護手指嘅安全把手，使用刨刀時只要利用把手緊握蔬果，就唔驚切親手指。無論想將蔬果切乜野形狀，都只需呢個刨就ＯＫ！仲係日本製產品添，特別令人開心。
剝皮切條一個搞掂！兩片刀片的刨刀「kan 切條&刨皮雙用刨刀」 1,008日元（含稅）
呢個雙刀片刨刀，可以批皮之餘仲可以切絲，仲可以刮走薯仔上嘅幼芽。用左呢個刨嚟批蘿蔔皮、青瓜皮就話都無咁易。仲要係喺以製造業出名嘅「新潟縣 燕・三條」地區出品。以不銹鋼製造，既耐用又輕身，係連專業廚師都推薦的嘅產品。
簡單做出新鮮果汁！「PEARL金屬 檸檬・香橙搾汁器 C3534」 259日元（含稅）
呢個榨汁器非常方便，只要塞入檸檬或者橙裏面，唔駛整污糟手就可以榨出鮮果汁。仲可以即刻直接倒落杯飲，又或者就咁淋係煎魚、炸豬排等煎炸菜式嘅面頭。總之一句講哂就係方便。使用前，首先切去檸檬或者橙嘅頂端，然後好似扭螺絲咁擰個榨汁器入去，咁就可以輕易擠出果汁。推薦大家可以送比鍾意飲果汁的親友。
■店名
- 東急HANDS 澀谷店
■地址
- 〒150-0042 東京都澀谷區宇田川町12-18
■營業時間
- 10:00 ～ 21:00
■休息日
- 不定期
■交通方法
- JR「澀谷站」八公出口步行8分鐘
Comments