池袋、相信大家對呢個地方唔會陌生。
從車站區區6分鐘路程、走過沿路一片喧嘩後、一個不思議嘅景象映入眼簾。
到達校門時、眼前充滿古典文學氣質猶如城堡般嘅紅磚建築外觀、令人不禁納喊「這是大學？是古堡吧？！」
偌大的紅磚牆交織著藤蔓植物宛如歐式古典建築、仿如仿佛穿越時空、「從觀光熱點池袋時光機口、走進了百年前嘅古典歐式古堡」。
關於立教大學（池袋校）
立教大學，前身乃立教學校（建於1874年）。本為聖書和英語學校，於1918年搬到現址。
校園中已有100年歷史嘅立教大學「第一食堂」亦成打卡熱點。
東京都被選定歷史建築物「第一食堂」完成於1918年、樓高似看不盡、搭配雅緻木餐桌椅、瀰漫著歐洲古堡嘅古典氛圍、亦有猶於置身古老小教堂中嘅感覺。
於百年古堡般的校園中、與香港留學生相遇
幸運地於曾經係木村拓哉主演嘅經典日劇「長假」取景地之一嘅「立教大學」與香港🇭🇰留學生進行訪談。
筆者:「可唔可以簡單地話俾筆者知少少個人資料？」
呀信:「HELLO!我叫呀信!係香港修讀完短大嘅犯罪心理學課程之後、讀咗半年日文就飛嚟東京讀書。而家係立教大學修讀緊教育系。」
筆者:「有咩原因令你選擇嚟日本留學？」
呀信:「細細個開始就鐘意日本文化、更重要嘅係想係短暫嘅人生中嘗試更多。」
當筆者問及鍾意日本邊方面嘅文化、係茶道、劍道定…?
呀信: 「係食嘅文化吖!」
哈哈哈!筆者完全認同!
--
筆者:「最鐘意立教大學邊度？」
呀信:「第一食堂！係美麗歐式建築下享受銅板美食！仲係又平又好味！」
「圖書館都好鐘意、俾到人安心嘅感覺。」
筆者:「選擇立教大學嘅理由係？」
呀信:「有畢業生前輩介紹嚟實地視察環境、當時被立教大學嘅古老學府建築內斂氣質・對外國留學生嘅額外暖心照顧感深深吸引住。」
立教大學專設了一溫馨項目:「日本語教育CENTRE」
為留學生們進行論文、報告、演講指導等、令日文非母語嘅留學生們讀得更安心。
--
筆者:「你覺得學日文最難係?」
呀信:「助詞!」(筆者秒懂!)
呀信:「助詞一用錯、成句句子意思都會變得完全唔同。」
筆者:「例如?有發生過係?」
呀信:「顔は綺麗。顔が綺麗。」(筆者都感同身受!)
--
筆者:「可以形容一下你而家嘅日本生活?難忘經歷?」
呀信:「曾經係打工嘅時候跟客人碰上語言上嘅誤解、店長衝出嚟為我道歉解脫出困境。而係學校畢竟用日文教學、追唔上跟唔上嘅時候、除咗自身努力身邊老師朋友都好樂意幫手。呢一切回憶都係永生難忘、就算過咗10年20年都唔會從回憶中落幕。」
筆者：突然湧出一股小確幸。
立教大學跟當校園老師和同學們一樣、沒有過度嚴肅氛圍。反倒瀰漫著一股容易親近藝術小清新、與立教大學各個角落靜靜佇立著歐式古典建築成相映。
--
筆者:「畢業後想繼續留日工作嗎?」
呀信:「想。想從事教育工作。目標係小學生老師。」
呀信:的而且確立教大學會為畢業生提供有關就職活動的支援、而留學生就業率亦高於50%。
令「畢業後🎓想繼續留日工作？不知道如何是好？」的同學們鬆一口氣。順帶一提、日本大學嘅留學生平均就業率大概係３５％左右。厲害吧？
呀信:「多謝你呀。我好耐無講廣東話。」
筆者:哈哈~大家咁話
學校網站
- 立教大學（英語版）URL：http://english.rikkyo.ac.jp/
Comments