大家知唔知道SUNNY ROAD呢？其實係指位於松阪市同伊勢市之間，橫跨玉城町，度會町・南伊勢町嘅道路。
一於就嚟感受一下充滿自然氣息嘅三重，來一趟身心療癒嘅美食之旅啦。
於玉城採摘嘅當季珍貴食材。使用療癒身心嘅當季蔬菜・由野之花亭提供嘅豐盛午餐
受到宮川清流嘅恩惠，鮮嫩蔬菜以及水果等等豐富嘅食材得以喺玉城町康莊成長。
而小編當日就造訪咗小鎮內嘅『旬菜・野之花亭』，一切食材均係由相熟嘅農家悉心栽培提供。
當日午餐點咗「芥末燒玉城猪」。由越嚼越有勁嘅蔬菜所做成嘅生春卷，腌泡菜等等含6種菜式嘅拼盤套餐，色彩非常豐富。
餘味清爽多汁，唔鐘意食肥肉嘅人都絕對大聲叫好，係只有喺玉城町先至可以食到嘅珍貴食材。
隨著季節變化嘅餐單，每次都會帶來意想不到嘅新口味。
其中「SPECIAL LUNCH」主要採摘當季食材，由創始人楠川洋子思考餐單概念以及製作菜譜。
呢款午餐每3個月先至限定提供4日，係唔係覺得好吸引呢，仲唔快啲click入官網check下行程啦！
店內販售以即摘嘅巴貝拉（醸造意大利葡萄酒嘅葡萄）所製成嘅醋。唔加碳酸都好好飲。
店鋪隔離係一片廣闊嘅葡萄園，由經營野之花亭嘅楠川先生嘅母親嗰代傳承落嚟。
而家正以葡萄製作新款口味雪糕。『想將食物不同的魅力帶俾每一個來訪嘅客人』。
SLOW FOOD RESTAURANT 旬菜 野之花亭
[地址] 三重縣度會郡玉城町勝田3588
[營業時間] 11:00～15:00（熱線服務時間至18:00）
[休息日] 每逢星期三，第3個星期日 (以及年頭年尾)
[電話號碼] 0596-58-7376
[官網] 旬菜 野の花亭
賣完即止！Maminka天然酵母麵包
坐立於度会町嘅一間人氣麵包店『Maminka（マミンカ）』，全部麵包均使用天然酵母技術烤製。
原來喺捷克，Maminka意思係「媽媽」。橋本店主以「一家大細都可以安心食用」為中心思想，以自家製天然酵母技術，使用国内産小麥・有機食材等等製作麵包。
注入愛情製成嘅麵包，係由從法國訂購嘅石窯所烤製
以伊勢茶葉製成嘅菠蘿包。表面鬆脆，內裡鬆軟。美味甘甜嘅口感，令人齒頰留香。
使用當地伊勢茶葉製成嘅田園風法國麵包（CAMPAGNE）。茶香以及白朱古力嘅組合簡直係絕配。從未品嚐過嘅口感！
最快中午就賣斷貨嘅人氣商品，欲購從速。
店鋪每個禮拜只會喺星期四，星期五，星期六營業。有時會喺其他地方舉行活動展出而休息，嚟之前記得要check下官網schedule啦。
自家製天然酵母 石窯麵包工房 Maminka
[地址] 三重縣度會郡度會町棚橋326-1
[營業時間] 10:00~16:00
[休息日] 星期四，星期五，星期六以外（因應活動展出不排除作休息）
[電話號碼] 0596-62-2155
[官網] Maminka
盡顯度會魅力。將清香怡人嘅茶葉贈送給重要的他
小編聽聞附近有個叫『いらっ茶いわたらい』（日式冷笑話？？）嘅地方，可以購買到伊勢茶。即係製成上述介紹嘅田園風法國麵包嘅食材原料，就忍唔住好奇嚟咗呢度探個究竟。
購入咗沖泡綠茶。清爽又濃郁嘅茶香，令人不禁續完一杯又一杯。
以御山杉，一種日本柳杉所製成嘅耳墜。
種植於伊勢神宮内嘅柳杉，喺倒木嗰陣成為咗珍貴木材。其中樹齡達300年以上嘅樹木被命名為御山杉。
柳杉柔和嘅色調配合天然木紋，製成一個個獨一無二嘅首飾。送禮自用皆宜。
度會町特産品販賣所 いらっ茶いわたらい
[地址] 三重縣度會郡度會町大野木１２６０
[營業時間] 10：00～16:30 每逢星期日及公眾假期9:00～16:30
[休息日] 每逢星期三，年頭年尾
[電話號碼] 090-4797-9494
[官網] いらっ茶いわたらい
眺望伊勢現代美術館嘅海景同時，接觸藝術，慢慢磨練內心
離開度會町再次開啟旅程，無幾耐車窗外就見到一片一望無際嘅大海。終於抵達SUNNY ROAD嘅終點，南伊勢町。
（圖片提供：伊勢現代美術館）
『伊勢現代美術館』由面向大海嘅本館以及背靠森林嘅別館所組成。
分別喺3個唔同氣氛嘅展覽廳舉辦現代藝術展覽。
作品種類分別有繪畫・立體作品・照片・裝置藝術等等，範圍非常廣闊。喺優美嘅環境欣賞美術作品，接受藝術嘅熏陶，係呢間美術館嘅其中一個優點。
2樓展覽廳展覽出日本玻璃藝術家深川瑞恵小姐嘅作品（※而家舉辦緊其他主題嘅展覽活動）
1樓展覽室有時仲會配合展覽，舉行演唱會同藝術作品分析講座。
有關今後嘅活動情報，可以click入伊勢現代美術館官網或者check下SNS啦。
今年迎來15週年嘅伊勢現代美術館，
吸引咗住喺東海・關西地區嘅居民，同好多從遠道而來嘅觀光客來訪。
（圖片提供：伊勢現代美術館）
「一邊回想作家想表達嘅意思，一邊鑒賞…從顏色，形狀，質感等各種角度欣賞作品，享受其中。
另外，每件作品帶俾每個人不一樣的感受。試下同親朋好友分享感想，話唔定會有新發現！」
（圖片提供：伊勢現代美術館）
除咗藝術展覽之餘，仲可以參加「GARDEN・AFTERNOON TEA」，喺海旁嘅小庭院享受野餐氣氛(需提前預約)
一邊眺望碧海青天，一邊回想藝術嘅餘韻。
伊勢現代美術館
[地址] 三重縣度會郡南伊勢町五之所浦灣場102-8
[營業時間] 10：00～17：00(入館截止至16:30)
[休息日] 每逢星期二・星期三(公眾假期正常營業，翌日休息)
[電話號碼] 0599-66-1138
[官網] 伊勢現代美術館
眺望無邊無際嘅大海，同非常努力嘅自己講聲「辛苦曬啦」。
旅程嚟到呢度就結束咗。從鵜倉園地嘅『見江島展望台』，可以俯瞰到浪漫嘅心形海灣。
望著雄偉嘅景觀，令人心曠神怡，成功驅散心中陰霾。
一於將煩惱拋諸腦後，製造自我反省嘅私人時間，誠實面對自己。
今次介紹嘅SUNNY ROAD…原來仲有舉辦啲咁正嘅活動。
舉辦創作歌手Etsuco等人嘅舞台live秀、蠟燭點燈活動。
由200支蠟燭同「竹燈」藝術品點綴漆黑嘅夜空，一夜限定，真係唔可以錯過！
OTONAMIE×OSAKA記者。三重縣津市出身，年齡即將邁入3字頭嘅女子。18歳離開三重，喺名古屋住過，而家定居於大阪。感受到三重嘅美好，漸漸有所改觀，認為三重環境療癒，係無法被取替嘅寶物。
擅長項目：歷史、美食、美容、健康、活動
Comments