滋賀，奈良綠意央然，透過接觸大自然感受當中嘅奧秘。打算嚟滋賀，奈良參加比賽嘅人，今次就推薦大家可以飽覽景色，親親大自然嘅觀光景點。
「World Masters Games2021關西」係？
「2021年關西World Masters Games」係一場只要年滿三十歲以上嘅運動愛好者就可以參加嘅國際綜合體育大型比賽。
值得紀念嘅第10屆，決定喺日本關西舉辦，而且仲係亞洲首次舉辦。嚟參加呢場大賽，欣賞日本各地嘅魅力所在，聽落去都唔錯吖？
喺滋賀、奈良會場舉辦嘅比賽項目
喺滋賀、奈良會場舉辦嘅比賽項目，睇呢度！
滋賀
- 大津市：輕艇 (龍舟)
- 大津市：賽船
- 彥根市：田徑 (10km越野賽)
- 米原市・長濱市：曲棍球
- 草津市・守山市・東近江市：壘球
- 守山市・東近江市：棒球 (軟式棒球)
奈良
- 葛城市：拔河
- 吉野町：輕艇（短距離）
比賽項目多采多姿，競爭激烈又稀有少見。除咗可以實際參加比賽以外，單純觀看比賽都OK！
關於比賽詳情請click入官網睇睇啦 ☞https://wmg2021.jp/en/
往滋賀，奈良嘅交通方式
大家知唔知，要前往滋賀同奈良，其實比想像中嚟得方便呢？
乘搭JR東海道山陽新幹線往京都站出發
比賽場地位於草津站以及大津站，乘坐JR東海道山陽新幹線通往奈良非常方便。喺京都站換乘，從滋賀到奈良大約1個鐘就可以抵達。
奈良線、近鐵京都線
推薦乘坐奈良縣或近鐵京都線從京都站抵達奈良站，兩種路線均只需要45分鐘，非常方便。揀選最適合自己嘅路線啦！
滋賀「漫步水鄉・近江八幡」搭乘小船飽覽山水風情
感受呢片重要文化景觀
「近江八幡的水鄉」係日本首個被登錄為重要文化景觀嘅地方。除咗茂盛生長嘅蘆薈區域，仲有農地，里山，村落等等一共大約354公頃係被登錄地區，由近江八幡商人所構造嘅文化，至今仍然可以感受呢片水鄉之美。
偷得浮生半日閒，乘舟眺望滿片蘆葦嘅搖曳姿態
作為裝點水鄉象徵嘅蘆薈，生長喺水面附近。乘坐屋形船喺茂盛生長嘅蘆薈之間巡回遊覽，必定可以平復你心境。當運動完後感到疲累，不妨嚟日本獨有嘅自然風光之中休憩一下。
色彩和諧嘅奈良「柳生花菖蒲園」
80萬朵花菖蒲綻放嘅花園
奈良「柳生花菖蒲園」係日本國內屈指可數，可以睇到450品種，共80萬朵花菖蒲嘅花園。順便一提，花菖蒲嘅花語係「喜訊」。希望喺比賽獲勝嘅選手嚟呢度祈願都係一個唔錯嘅選擇。另外，園內除咗有花菖蒲，仲有紫陽花。綻放獨特魅力嘅小花，令人無比憐惜。
拍攝一年僅有幾次機會可以見到嘅風景
花菖蒲係5月~6月之間開花嘅季節花。就趁World Masters Games2021關西大賽嗰陣，嚟呢度探個究竟如何呢？有興趣嘅話，一於就趁呢個難得嘅機會，嚟呢度拍攝大自然嘅季節變化啦！
今次文章中所介紹嘅觀光景點以及比賽
順便一提，滋賀同奈良都係舉辦輕艇比賽嘅場地。大家又有無玩過呢？歡迎大家留comment分享俾大家知喺滋賀同奈良嘅所見所聞啦！
更多詳細資訊同交通方式，請click。
Comments